GOSIA 7:4 - Tanou Moonsoi Timugon

⁴ Ilo ngaangai' malaat am kalo gumagaya'. Sisang nilo koson ra apui giu' ra ralalom ru rapuan ondo' kalo pinaangan ru ulun mambaal ra ruti' ra kalo poyo mopongo kabaal ruti' makata' koson solobon.

GOSIA 7:4 ပူးပေါင်းရင်းမြစ်များ

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

GOSIA 4:10

Mangakan kau ra tayar intor ra taak-taak simbalui ondo' pinataak, kaa' marayus kau maitilan. Sambaan min dewa-dewa kalabungan, kaa' magulayun kau kalo makaalap ra anak. Ngaangai' no nasauk sabap ra nangiruan kano Raki' koson sumamba ra tuhan-tuhan ra bokon.”

GOSIA 4:12

Nakitulu' ilo intor ra rondo' tataun. Rondo' jujuga' nambala' risilo ra atan ondo' gumogot ilo makapandai. Nangiruan ilo Raki'. Koson ra sangulun ruandu' ondo' nasauk ra ruandu' mantalan ra inan, timinaak ilo ra inan ra tuhan-tuhan ra bokon.

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

1 KORINTUS 5:6

Kalo moonsoi kau masumbung koson raginio. Nakapandai kano lair ragu ragitio, “Ragi ra sanganu ayuk mampagayo ra ngaangai' ru ruti', ioginio tapung linatakan ra timug am umau.”

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.