GOSIA 7:14 - Tanou Moonsoi Timugon

¹⁴ Kalo makiasi' ilo Raki' ra mabanis guang. Kaa' mampas ilo ra intok kaalangan am manulaboi koson ra binaal ru ulun ondo' kalo makaulig Raki'. Paat ra ilo makiasi' makitaak ra gandum am wain, pilaton nilo inan koson ra binaal ru ulun ondo' sumamba ra sinungkalalaing. Minanggal ilo Raki'!

GOSIA 7:14 ပူးပေါင်းရင်းမြစ်များ

JAKUBUS 4:3

Am ra makiasi' kau pana, kolondo' niayuk moowot min, sabap ra malaat kinitaak mino. Katasuan ru guang ayuk ondo' karaan ralalom pakiasian min.

JIRIMIA 3:10

Kabaal ngaangai' no, i Jiuda ondo' kalo gumagaya' no babaalon ayuk siminaguli' Raki', sabap ra guang nano kalo mabanis. Aku, Tuhan nakaindagu noyo.”

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

JAKARIA 7:5

Indagu Io, “Balai' ngaangai' mamagun ru pagun ti am imam-imam ra mampali am sulaboi ondo' binaal nilo ra sila' kalimo am katulu' buoi tulu' ngoopor ngambilor ti, sala' ka mangurumat Raki'.

AMOS 2:8

Giu' ra moonong intok sambayangan, ulun mombolong ra bayang ondo' inalap intor ra ulun musikin koson ra jamin ru utang. Giu' ra Baloi ri Aki Kapuuno' nilo, manginum ilo ra wain ondo' inalap intor ra ulun ondo' nagutang risilo.

JISAYA 29:13

Mindagu Tuhan, “Bansa' ragitio nangiou sumamba Raki', kaa' ragu-ragu nilono kolondo' onong, am guang nilono maalur intor Raki'. Ugama nilono pangatangan ayuk am kaulayan ru ulun ondo' kinara'.

MIKA 2:11

Masaga' kau ra nabi ondo' masaga' magabau am mamparuung, am ondo' mindagu, ‘Manala' aku ra makaalap kau ra wain am inumon makagauk ondo' masuang toojo.’

JISAYA 65:14

Maririmbai ilo am maansukan, kaa' akau mantangi' am malawo guang.

TINGGANAI RU BANSA' 9:27

Minongoi ilo ngaangai' ra umo ru anggur am nangupu' ra kawa' ru anggur. Pagaa' nilo boo kawa' ru anggur no, nambaal ra wain, am nambaal ra bunsag maayo. Nangakan nanginum ilo giu' ra ralalom kuil ru dewa nilo, liliwa' nagagasab ri Abimilik.

JAKUBUS 5:1

Am raino, ulun langkaya' kau ngai', rongogo' min gitio! Pantangi' am pangiluk kano sabap ra mokoondo' kapaganan maagat matuum min.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

AMOS 8:3

Paat ra orou raginio rimbai giu' ra istana masauk ra manulaboi. Baangkai mokoloso ra ngaangai' intok. Baangkai-baangkai no patirin ra sinokon.”

GOSIA 3:1

Indagu Tuhan raki', “Ongoi poyo am kasaga' no ra sangulun ruandu' ondo' masaga' mansawa'. Tagami' noyo io koson ra Aku motogom ra ulun ru Israil, kabalu' pana nangiruan ilo noyo Raki' am siminamba ra tuhan-tuhan ra bokon, am niayuk masaga' mampataak ra kuui kismis ra sinungkalalaing.”

JISAYA 52:5

Ragino atan kondoyon Ku ragiti? Mamparakop ulun ru Babil ramuyun ra kolondo' sasaban. Ilo ondo' mangimbolo' ramuyun malilimbau am rayusin nilo magasab Raki'.

KAINGKUALAN 32:6

Ra susuab toojo ru suabon no ibito' nilo kukula' ngainan bibiag koson ra pataakon ra simbaluyon, am kukula' ngainan poyo taak simbalui koson makibarakat ra Tuhan. Turung ilo ra mangakan am manginum, am ingkakat ra rumamai ra jajajou.

SULABOI 2:18

Okou Jirusalim, polosoon timbok muno gumolok ra Tuhan! Polosoon lomou muno tumilisan koson ra sungoi tumilis ra orou am rondom. Rayus no pantangi' am pangiluk saboi kou maagui.

GOSIA 8:2

Kabalu' pana mangiou ilo ra Aku ti i Aki Kapuuno', am mindagu ra ilo ulun Kuno ondo' nakaulig Raki',

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

JIRIMIA 12:2

Tinanom Mu ilo koson ra tutuu', ilo pana nanambakat, timinuu' am nangkawa'. Masalok ilo mindagu ra moonsoi intor Rirun, kaa' ralalom ru guang, sotopot no kalo mampalio ilo Rirun.

GOSIA 13:9

Mamuso Aku ramuyun, ulun ru Israil kau! Osoi kia makapangindangan ramuyun?