GOSIA 7:11 - Tanou Moonsoi Timugon

¹¹ Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

GOSIA 7:11 ပူးပေါင်းရင်းမြစ်များ

2 RAJA'-RAJA' 15:19

Paat ra Raja' Pul, raja' ru Asyur namulunsar ra Israil, nangani' Raja' Minagim ra Raja' Pul ra 34,000 ngakilogram pirok maa' raginio mangindangan io mapaikang ra kuasa' ru Raja' Minagim giu' ra Israil.

2 RAJA'-RAJA' 16:7

Nanusub Raja' Agas ra kukula' ngaulun mongoi ra Raja' Pul, intor ra Asyur, am ra bilin ragitio, “Gagayaan tokou. Ginio ra ratong no koson mamayag raki' intor ra raja'-raja' ru pagun Siria am Israil ondo' tatanga' mamulunsar raki' raino.”

AMSAL 15:32

Ulun ra marara' migigila', kalo mangurumat ra inan nilono. Ulun mangkirongog ra pansawayan, masauk ra mapintar poyo.

AMSAL 17:16

Papalo ayuk ru ulun sasambungon mangai' ra ruit maguyum ra kapintaran, sabap ra iono kolondo' guang.

AMSAL 6:32

Kaa' sangulun ungkuyon lumapau io no sasambungon. Ungkuyon raginio mangimbolo' ra inan nano galama'.

JIRIMIA 2:18

Atan kia banang muno minongoi ra Misir am nanginum ra timug ru Sungoi Nil? Atan banang muno minongoi ra Asyur am nanginum ra timug ru Sungoi Iprat?

JIRIMIA 2:36

Pinainggana' min kaatangan ru inan sabap minongoi ra dewa ru bansa' bokon. Sindualin kau ru Misir, koson ra akau sinindualan ru Asyur.

GOSIA 11:11

Intor ra Misir mansiab ilo mongoi Raki' koson ra kinataki' ru susuit, am intor ra Asyur koson ra susuit asang. Ibiton Ku ilo muli' ra baloi nilo saguli'. Aku, Tuhan nakaindagu noyo.”

GOSIA 12:1

Indagu Tuhan, “Liminibung bansa' ru Israil Raki' ra abau am ruung, am bansa' ru Jiuda lakat poyo gumuor Raki', i Aki Kapuuno' ondo' matulai am gumagaya'.

GOSIA 12:2

Ngaangai' ondo' binaal ru ulun ru Israil intor ra susuab ti saboi ra mamai' ngaangai' no kolondo' onong, kaa' niayuk paliso no mamuso koson ra angin sirangon. Abau am kalaatan gumaai-gaai ra gino po ngai' nilo. Nambaal ilo ra nabantuan ra Asyur am niayuk nagibit ra umau giu' ra Misir koson ra tatandu' ru pabukatan.”

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 4:11

Indagu Tuhan, “Wain, ondo' lairon am ondo' baguon nampajajou ra pangkaraan ru ulun Kuno.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

GOSIA 5:13

Paat ra Israil am Jiuda makaliman ra baal nilo ondo' kalo moonsoi, mongoi Israil ra pagun Asyur koson makiindangan intor ra raja' ondo' matulai, kaa' raja' no kalo makapangindangan kapoam mamuna' ra baal nilo.

GOSIA 5:4

Kalaatan ondo' binaal ru ulun ru Israil mongompong risilo sumaguli' ri Aki Kapuuno'. Kinapit ilo kaga' ru sumamba ra sinungkalalaing, saboi kalo boo mangiou ilo ra Tuhan.

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

GOSIA 9:6

Paat ra karaat makasaboi am mamagun nantutuliar, ulun ru Misir manimung ramuyun koson potoyon am koson lobongon giu' ra Mimpis! Rapu' mino intor ra pirok am tana' ru baloi min ragili malungkutan ru sakot am bulungkut makaruui.

OBAJA 1:7

Pagun paguum namparuung ramuyun; pinagiru' nilo akau intor ra pagun min. Raino kinala kau ru ulun ondo' ragili nobonsoi ramuyun. Linandak kau ru ulun ondo' nangakan nababaya' ramuyun. Mindagu ilo intor ramuyun, ‘Ati kia ngaangai' kapintaran nilo raino?’

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.