GOSIA 6:5 - Tanou Moonsoi Timugon

⁵ Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

GOSIA 6:5 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

1 RAJA'-RAJA' 14:6

Kaa' paat ri Agia nokorongog ra matong io giu' ra kulobon, indagu i Agia, “Umpos no. Nakapandai aku ra okou no andu' ru Raja' Jirobiam. Kua mitambingai masauk ra ulun ra bokon? Mokoondo' aku ra tanou malaat rirun.

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 18:17

Paat ra Raja' Agab nakakito ri Ilia, indagu Raja' Agab, “Gitio gili, i jumajou giu' ra Israil!”

1 RAJA'-RAJA' 19:17

Osoi ondo' makapagiru' intor ra ilang ri Gajail potoyon ri Jigu, am osoi ondo' mailiwan ru ilang ri Jigu potoyon ri Ilisa.

2 RAJA'-RAJA' 1:16

Kon ri Ilia ra raja', “Koon raginio noyo ragu ru Tuhan, ‘Sabap no ra okou nangator ra ulun sinusub koson mangkuot ra Baal-Jibub, dewa ru bandar Ikron – ilain koson kolondo' i Aki Kapuuno' giu' ra Israil koson kuatin – kalo mapali' kou; matoi kou!’ ”

2 TUNUNG RU BANSA' ISRAIL 21:12

Nangator Nabi Ilia ra rondo' surat ra Raja' Jigoram. Bolos ru surat no koon ragitio, “Tuhan, i Aki Kapuuno' ondo' sambaan ru Raja' Daut, kinamatuaan muli, mangukum rirun, sabap ra kalo minaya' kou ra binaal moonsoi ru Raja' Josapat ama' muli, kapoam binaal moonsoi ru Raja' Asa aki muli.

AYUP 15:30

am ilo kalo makalabus intor ra kalandaman. Masauk ilo koson ra puun tataun ondo' raan nano solobon ra apui; pusoon ilo ru paminawo ri Aki Kapuuno'.

AYUP 34:10

Akau ulun mapandai, rongog kano! Nambaal kia i Aki Kapuuno' Ondo' Maayo Kaga' Kuasa' ra baal ondo' nasala?

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 37:6

Io mamuun ra kinoonsoi muno makasinda koson ra mato ru orou paat ra tanga' ru orou.

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

JISAYA 58:1

Mindagu Tuhan, “Kosongowo' noyo golok muno! Balai' noyo ulun Kuno ra tula-tula nilono.

JIRIMIA 1:10

Paat ra orou raiti' mangani' Aku rirun ra kuasa' ra bansa' am pamarintaan koson mampagaba' am mamparatu', koson mamuso am mampaluir, koson manirong am mopotolorog.”

JIRIMIA 1:18

Okou Jirimia, rongog no! Anggalon kou ru ngaangai' mamagun ru pagun ti, ioginio raja'-raja' ru Jiuda, pagawai-pagawai ru pamarintaan, imam-imam am mamagun. Kaa' paat ra orou raiti' mangani' Aku rirun ra kaikangan koson manggal risilo. Masauk kou koson ra bandar mokoondo' ra kubu, koson ra lugu' basi', am koson ra timbok tambaga'. Kalo makapangala ilo rirun, sabap mabaya' Aku rirun koson manindung rirun. Aku Tuhan, nakaindagu noyo.”

JIRIMIA 13:13

Mopongo raginio balai' ilo ra Aku, Tuhan mompototop ra ulun ra pagun ti ra wain saboi ilo magauk: raja'-raja' papag ri Daut, imam-imam, nabi-nabi am ngaangai' mamagun ru Jirusalim.

JIRIMIA 23:29

Ragu Kuno koson ra apui, am koson ra amar ondo' mokopomopol ra batu.

YEHEZKIEL 11:4

Ginio ra, okou ulun mapandai matoi, posoboyo' tanou Kutu intor ra ukuman ra tayar nilo!”

YEHEZKIEL 3:9

Baalon Tokou koson ra kinaikang ru bulur batu am koson ra kinokotog ru intan. Pai' kalaa' ra ulun-ulun gumuor no.”

YEHEZKIEL 32:18

“Okou ulun mapandai matoi, panulaboi no ra tayar ru mamagun Misir ondo' masuang no. Atari' noyo ilo mababaya' ra bansa' ra bokon ondo' maikang ra intok ru ulun minatoi.

YEHEZKIEL 43:3

Pinaintalang ragitio nogondo' koson ondo' nakito ku paat i Aki Kapuuno' namuso ra Jirusalim, am koson ondo' nakito ku giu' ra kiing ru Sungoi Kibar. Aku pana igulatur boo nokopolos ra tana'.

JIPANYA 3:5

Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

RINALATAN 7:31

Nangimuag i Musa nakakito raginio, am inggaari' no bulungkut i koson magilong toojo. Pakasuku' ra giu' i, kaining no boo bolos ru Tuhan minindagu,

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

IPISUS 6:17

Apuo' min noyo pamayagan ti koson ra tupi' basi' am niayuk bala' ri Aki Kapuuno' koson ra ilang ondo' pinongo kalalair ru Ambiluo ri Aki Kapuuno'.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.

PINAINTALANG 1:16

Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.

PINAINTALANG 2:16

Sabap raginio, talikur kano intor ra tula mino! Amon ru kalo tumalikur kau, matong Aku ramuyun ra mataki' am tumula' ra ulun-ulun ra ilang ondo' mingkual ra kabang Kuno.

PINAINTALANG 9:15

Kaapat-apat malaikat no pana linabusan. Pinatampos ilo noyo ra jam, orou, bulan am bilor raginio koson mamatoi ra sampitalu ru ngaangai' ulun ru tana' ti.

PINAINTALANG 9:21

Ilo kalo niayuk lumonggo' mamatoi, mangimaya' ra kapandayan ru sihir, mansasawa' am mantatakou.

1 SAMUIL 13:13

Taam i Samuil, “Sasambungon binaal muno. Kalo giminagaya' kou ra susuban ru Tuhan, i Aki Kapuuno' muno, rirun. Amon ru giminagaya' kou, maaru' mangiou Tuhan no rirun am papag muno mamarinta ra Israil ra mantilayun.

1 SAMUIL 15:22

Indagu i Samuil, “Ati kia ondo' kasagain poyo ru Tuhan, gagaya' kapoam taak am taak simbalui? Moonsoi poyo gumagaya' ra Tuhan intor ra mapataak Riso ra domba ondo' molomok kaga' no.

1 SAMUIL 15:32

Kopongo raginio nanaak i Samuil ra susuban, “Ibito' min Raja' Agag no ragiti.” Raja' Agag no pinauma' riso, am nonontol Raja' Agag ra nalaa' sabap indoson no, “Mapara' boo kinapait ru kapatayan.”

1 SAMUIL 15:33

Kon boo ri Samuil, “Koson ra ilang muno nangkinibit noyo ra masuang ina' naluusan ra anak, kon raginio niayuk ra ina' muno maluusan ra anak nano.” Puputulo' boo ri Samuil no Raja' Agag giu' ra saang ru altar giu' ra Gilgal.