GOSIA 6:4 - Tanou Moonsoi Timugon

⁴ Kaa' indagu Tuhan, “Akau Israil am Jiuda, atan kia ondo' musiti' Kuno baalon ramuyun? Togom min Raki' mataki' lumiot koson ra makagaun kapoam bolobou bulintok ra mokorondom ra susuab ti.

GOSIA 6:4 ပူးပေါင်းရင်းမြစ်များ

JIRIMIA 3:10

Kabaal ngaangai' no, i Jiuda ondo' kalo gumagaya' no babaalon ayuk siminaguli' Raki', sabap ra guang nano kalo mabanis. Aku, Tuhan nakaindagu noyo.”

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 34:15

Kukula' ngoorou ra nakasail, nambaal kau ra baal ondo' mapabansuk ra guang Kuno. Akau ngaangai' nangiou koson mampalabus ra gino ngai' ru bansa' min ondo' nasauk ra ulipon. Nambaal kau ra nabantuan ra saang Kuno giu' ra Baloi Kuno, intok Aku sambaan.

JIRIMIA 5:23

Kaa' mokotog guang min am maanggal-anggal; timinalansiang kau am nangiruan Raki'.

JIRIMIA 5:7

Indagu Tuhan, “Kua kia musiti' Aku mangampun ra tula ru ulun Kuno? Nangiruan ilo Raki' am sumamba ra tuhan ondo' kalo motopot. Aniin Ku ulun Kuno ra akanon saboi ilo maasug, kaa' nansawa' ilo am minongoi ra baloi ru ulun mantalan ra inan.

JIRIMIA 5:9

Kalo kia matanda' ra Aku mangukum ra bansa' koson raginio am mambalos ra binaal nilono?

JIRIMIA 9:7

Ginio ra indagu Tuhan Ondo' Maayo Kaga' Kuasa', “Koson ra ulun mamasau ra basi', ulun Kuno kinamin Ku, maa' raginio masauk ilo ra mapasau. Atan poyo maalap Ku kabaal ra ulun Kuno ondo' nambaal noyo ra kalaatan?

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

GOSIA 13:3

Ginio ra lumiot ilo koson ra gaun mapulak kapoam bolobou paat ra susuab ti. Masauk ilo koson ra apol ondo' siabin ru angin intor ra intok pangagikan ra gandum, am koson ra lisun ondo' miningkual intor ra intok no.

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

MATIUS 13:21

Kaa' tanou raginio kalo mantilayun ra guang nilono am kalo tumaan ra mabuoi. Paat ra ilo makakapaganan kapoam maimbolo' sabap ra tanou no, marayus kalawo guang nilono.

TINGGANAI RU BANSA' 3:12

Makatula poyo ulun ru Israil ra Tuhan. Ginio sabap ra tuhan napasauk ra Raja' Iglon intor ra Moab, maikang poyo intor ra Israil.