GOSIA 6:1 - Tanou Moonsoi Timugon

¹ Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

GOSIA 6:1 ပူးပေါင်းရင်းမြစ်များ

2 TUNUNG RU BANSA' ISRAIL 30:6

Ulun-ulun sinusub inataran ru raja' am pagawai-pagawai nano ra titikop ru Jiuda am Israil nabaya' ra piau ondo' bolos koson ragitio, “Mamagun kau ru Israil, naayag kau intor ra kinuasa' ru ulun ru Asyur. Raino saguli' kano ra Tuhan, i Aki Kapuuno' ri Abragam, Isak am Jakub, am Tuhan pana sumaguli' ramuyun.

AYUP 16:9

Ra sangit Nano, bininsang ri Aki Kapuuno' inan kuno; am nabaya' ra sisang, nonontong Io raki'.

AYUP 22:23

Musiti' kou sumaguli' ri Aki Kapuuno' ra guang minggana', am ngaangai' kalaatan giu' ra baloi muno musiti' pupusin mu.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

AYUP 5:18

Kabalu' pana rualin kou ri Aki Kapuuno', babason No okou; kalindu' Nano ondo' mamilat, kalindu' Nano niayuk ondo' mamabas.

MAZMUR 30:7

Bulintok ra naayag, mindagu aku, “Kalo maala aku risilo.”

MAZMUR 6:2

Iou Tuhan, pai' aku no sangiti' paat ra Okou sumangit! Pai' aku ukumi' paat ra Okou sumangit!

MAZMUR 71:20

Kapaganan kapoam imbolo' porotongon Mu raki', kaa' pasagulion Mu ikang kuno; painggaluron Mu aku intor ra lobong.

MAMPATANOU 3:3

paat ra mamatoi am paat ra mamabas, paat ra mamunsag am paat ra mambaal.

JISAYA 17:7

Bulintok ru orou raginio matong, ulun sumaguli' makiindangan Riso Namangun risilo, i Aki Kapuuno' ru Israil, i Aki Kapuuno' ondo' matulai.

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JIRIMIA 3:22

Saguli' no, akau ngaangai' ondo' nangiruan noyo ra Tuhan; mamabas Io ramuyun am mampasauk ramuyun ra gumagaya'. Kamin, “Raino matong akai ra Tuhan sabap ra Io i Aki Kapuuno' mai.

JIRIMIA 30:12

Indagu Tuhan ra ulun Nano, “Pilat min masaran toojo, pilat min ra kolondo' tatapis no.

JIRIMIA 30:17

Kabalu' pana mindagu pantula' min, ‘Sion pinatiran noyo, am kolondo' mampalio riso,’ kaa' akau paligagon Ku saguli', am pilat min kapalion Ku.”

JIRIMIA 33:5

Kukula' ngaulun mangayou ra ulun ru Babilonia, ondo' mompososok ra baloi-baloi ra baangkai ru ulun ondo' linamba' Kuno saboi minatoi paat ra Aku siminangit am liminasu' guang. Iniruanan Ku bandar ti sabap ra kalaatan ru mamagun nano.

JIRIMIA 33:6

Kaa' tauli no punaan Ku baal ru bandar ti am mamabas ra mamagun nano. Manaak Aku ra malabaan ra kaansayan am kamiaan risilo.

JIRIMIA 50:4

Indagu Tuhan, “Masaboi paat no, mamagun ru Israil am Jiuda matong mababaya' liliwa' mantangi' am maguyum Raki', i Aki Kapuuno' nilo.

JIRIMIA 50:5

Mangkuot ilo ra ralan mongoi ra Sion, am sumuku' ra giu' no. Mambaal ilo ra rondo' nabantuan mantilayun Raki', am kalo lumungkang raginio saboi ra sabubuoi no.

SULABOI 3:11

Nangilou Io raki' saboi aku liminisang ra ralan, am bininsang aku am iniruanan aku.

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

GOSIA 12:6

I Aki Kapuuno' no Tuhan Ondo' Maayo Kaga' Kuasa'. Inggalan Nano Tuhan. Inggalan raginio noyo Io masaga' ra ulun sumambayang Riso.

GOSIA 14:1

Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”

GOSIA 14:4

Pagun ru Asyur kalo makabayag ramon. Kurita' kuda pana kalo makapanindung ramon. Kalo boo mindagu akai ra sinungkalalaing-sinungkalalaing raginio i Aki Kapuuno' mai. Iou Tuhan, makaasi' Kou ra ulun ondo' kolondo' osoi pana lansanin.”

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

IMAMAT 14:48

Kaa' makaratong imam mongoi pagilong ra baloi no, am sumugut ra pagilangan nano kolondo' boo kulapuk giu' ra ralalom baloi ondo' inangkupan saguli' no, musiti' potonowon ru imam ra baloi no mapasau sabap ngaangai' kulapuk nairu' noyo.

JIPANYA 2:1

Akau bansa' ondo' kalo mapandai mauyu', pakaliman kano

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

1 SAMUIL 2:6

Tuhan no mamatoi ra ulun, am Io niayuk mamayag risilo. Io mangator ra ulun mongoi ra intok ru ulun namagatoi, am Io niayuk magibit risilo saguli'.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”