GOSIA 5:4 - Tanou Moonsoi Timugon

⁴ Kalaatan ondo' binaal ru ulun ru Israil mongompong risilo sumaguli' ri Aki Kapuuno'. Kinapit ilo kaga' ru sumamba ra sinungkalalaing, saboi kalo boo mangiou ilo ra Tuhan.

GOSIA 5:4 ပူးပေါင်းရင်းမြစ်များ

MAZMUR 78:8

Kalo masauk ilo koson ra kinamatuaan nilai, ulun ondo' masalok malasu' guang am kalo gumagaya'; pangintapatan nilono kalo mapiot, am kalo gumagaya' ilo ri Aki Kapuuno'.

MAZMUR 9:10

Tuhan noyo sindungan ru ulun ondo' inimbolo', intok sindungan paat ra makakapaganan.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 50:38

Polosoon noyo tana' no masauk ra mapua', am sungoi-sungoi nano malasakan. Nososok Babilonia ra sinungkalalaing ondo' makalalaa', sinungkalalaing ondo' mangkinibit ra ulun sumamba riso no masauk ra mantuyang.

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

GOSIA 13:13

Israil mokoondo' ra kaluagan koson maayag, kaa' Israil sasambungon kaga' saboi kalo pinakai kaluagan raginio. Israil koson ra lalagang ondo' mamaar anakon kaa' marara' mingkual intor ra binunakan ru ina'.

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 4:11

Indagu Tuhan, “Wain, ondo' lairon am ondo' baguon nampajajou ra pangkaraan ru ulun Kuno.

GOSIA 4:12

Nakitulu' ilo intor ra rondo' tataun. Rondo' jujuga' nambala' risilo ra atan ondo' gumogot ilo makapandai. Nangiruan ilo Raki'. Koson ra sangulun ruandu' ondo' nasauk ra ruandu' mantalan ra inan, timinaak ilo ra inan ra tuhan-tuhan ra bokon.

GOSIA 4:14

Kaa' kalo ukumin Ku ilo koson ra binaal raginio, sabap ra akau galama' pana nansawa' ra ruandu'-ruandu' mantalan ra inan ondo' mangandoi giu' ra baloi ru sinungkalalaing sambaan. Mababaya' risilo, nampataak kau ra taak simbalui ra dewa. Motopot ragu ragitio, ‘Bansa' ondo' kolondo' karatian intor ri Aki Kapuuno' mapuso.’

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

GOSIA 8:11

“Sumuang-suang altar ondo' baalon ru ulun ru Israil koson mamuso ra tula, sumuang poyo boo intok nilo mambaal ra tula.

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

JUANIS 8:55

Akau kalo makaulig Riso, kaa' Aku makaulig Riso. Amon ru mindagu Aku ra kalo makaulig Riso, maabau-abau Aku koson ramuyun. Kaa' makaulig Aku niayuk Riso am gumagaya' Aku ra ragu Nano.

1 SAMUIL 2:12

Anak-anak ri Ili malaat kaga'. Kalo mampalio ilo ra Tuhan.