GOSIA 5:1 - Tanou Moonsoi Timugon

¹ Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

GOSIA 5:1 ပူးပေါင်းရင်းမြစ်များ

GOSIA 9:8

Nanusub i Aki Kapuuno' raki' koson ra nabi koson mampakara' ra ulun ru Israil, kaa' ati ayuk angayan kuno, mirot kau koson mampalandak raki' koson ra mampalandak ra susuit. Giu' ra pagun longgom ri Aki Kapuuno' galama', nabi-nabi Nano tinula' ru mamagun.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

MIKA 3:9

Rongogo' noyo ragu-ragu kutu, panguasa' ru Israil kau ngai', akau ondo' masisang ra katimpakan am mangulau ra katapatan masauk ra kasalaan.

GOSIA 6:9

Imam-imam giu' ra bandar raginio koson ra santimungan ulun mantakou ondo' nambaal ra pamulunsaran sininok ra ulun ondo' mangkiralan. Giu' pana ra ralan ondo' sumuku' ra intok mapasau giu' ra Sikgim pana namatoi ilo. Sumingon ilo mambaal ra ngaangai' baal ra malaat no.

TINGGANAI RU BANSA' 4:6

Sangarawan raginio, nanusub i Dibora ra ulun nampiau ri Barak anak ri Abinoam intor ra bandar Kidis giu' ra wilayah Naptali. Indagu i Dibora riso, “Tuhan i Aki Kapuuno' ru Israil nanaak noyo ra susuban ti rirun, ‘Timungo' mopor ngaribu ngaulun intor ra bansa' ru Naptali am bansa' ru Jibulon, am tingganayo' ilo mongoi ra Gunung Tabor.

MALIAKI 2:1

Mindagu Tuhan Ondo' Maayo Kaga' Kuasa' ra imam-imam, “Gitio noyo susuban Kuno ramuyun:

AMOS 7:9

Intok-intok ondo' pakayon ru papag ri Isak koson sumambayang umokon. Intok-intok mapasau ru ulun ru Israil maangun ra natuyas. Pupusin Ku pamarintaan ru sasambaloi ru Raja' Jirobiam.”

GOSIA 10:15

Baal raginio masauk ramuyun, mamagun kau ru Bitil, sabap ra nambaal kau ra kalaatan ondo' maayo. Makatalimpuun ayuk pangayawan, matoi raja' ru Israil.”

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MIKA 3:1

Rongog kano, panguasa' ru Israil kau ngai'! Akau musiti' no mampalio ra katimpakan,

GOSIA 13:8

Bulunsaron Takamin koson ra baawang ondo' natatakan ra anak. Bibinsangon Takamin. Koson ra singa' saamon Takamin ra giu' no, am koson ra bibiag masigo bibinsangon Takamin.

JIRIMIA 46:18

Aku, Tuhan Ondo' Maayo Kaga' Kuasa', Aku noyo raja'. Aku noyo i Aki Kapuuno' ondo' maayag. Koson ra Gunung Tabor masawat poyo intor ra gunung ra bokon, am Gunung Karmil masawat poyo intor ra ralimbou ru raat, koon raginio noyo kaikangan ru ulun ondo' mamulunsar ramuyun.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

JOIL 1:2

Rongog kano, akau ulun matutuo; rongog kano, akau ngaangai' ulun giu' ra Jiuda. Igondo' kia baal koson ragitio nasauk paat min ragili, kapoam paat ru kinamatuaan min ragili?

TINGGANAI RU BANSA' 4:12

Paat ra i Sisira nokorongog ra i Barak anak ri Abinoam minongoi noyo ra Gunung Tabor,

1 SAMUIL 7:5

Kopongo raginio indagu i Samuil, “Timungo' noyo ngaangai' ulun ru Israil giu' ra Mijpa. Mopongo raginio makiasi' aku ra tayar min ra giu' no.”

1 SAMUIL 7:6

Ginio ra ilo ngaangai' timinimung giu' ra Mijpa. Nansagou ilo ra timug am sinasaran ginio ra tayar ru taak ra Tuhan. Nampali ilo niayuk buoi songorou. Indagu ilo, “Makatula akai noyo ra Tuhan.” (Giu' ra Mijpa nanalasai i Samuil ra baal pansangaran ru gino ngai' ru ulun ru Israil.)

1 SAMUIL 7:16

Moonong bilor ongoyon no liputo' Bitil, Gilgal am Mijpa. Giu' no nanalasai io ra baal-baal ru pansangaran.

JIRIMIA 11:7

Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

AMOS 3:1

Akau ulun ru Israil, rongogo' tanou ru Tuhan intor ra ngaangai' ru bansa' min, ondo' inibit Nano miningkual intor ra Misir. Indagu Tuhan,