GOSIA 4:8 - Tanou Moonsoi Timugon

⁸ Masauk kau ra langkaya' sabap ra tula ru ulun Kuno, am ginio ra akau masaga' risilo rumayus makatula.

GOSIA 4:8 ပူးပေါင်းရင်းမြစ်များ

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

TITUS 1:11

Moonsoi sonsongon kabang nilai no, sabap ra mampakalayau ilo ra sasambaloi ra pangilaan nilai ra kalo motopot ti. Baal nilo ti makauyuyu' toojo sabap ra maguyum ilo ayuk ra panginduitan galama'.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

1 SAMUIL 2:29

Kaa' kua kia lakat kou poyo mangangkum ra taak am taak simbalui ondo' pinataak ru ulun Kuno Raki'? Mapataak ilo ra ngaangai' no Raki' sumugut ra susuban Kuli risilo. Okou Ili, kua kia okou mangurumat poyo ra anak-anak muno intor ra mangurumat Raki', am nompoloso risilo liminomok ra tayar moonsoi kaga' intor ra moonong taak simbalui ondo' pinataak ru ulun Kuno Raki'?

IMAMAT 6:26

Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

MALIAKI 1:10

Mindagu Tuhan Ondo' Maayo Kaga' Kuasa', “Moonsoi poyo sangulun intor ramuyun paangabin kulobon ru Baloi Kuno, sabap ra kolondo' onong min mampaang ra apui giu' ra rasawat ru altar Kuno. Kalo maansayan Aku ramuyun am marara' mangapu ra taak min.

MAZMUR 24:4

Ulun ondo' mabanis pampaguangan am moonsoi pangkaraan, ondo' kalo sumamba ra sinungkalalaing, kapoam mambaal ra bantu' ra magabau.

YEHEZKIEL 14:7

“Paat ra sangulun Israil kapoam sangulun bansa' ra bokon ondo' minayan ra gino ngai' ru ulun ru Israil, timinalikur intor Raki' am siminamba ra sinungkalalaing, am makibilin boo intor ra sangulun nabi, Aku Tuhan tumaam riso!

YEHEZKIEL 14:3

“Okou ulun mapandai matoi, ngaangai' ru ulun ti nangintopot noyo ra sinungkalalaing saboi ilo naratu' ralalom ru tula. Indoson nilo kia ra tumaam Aku ra pangkuatan nilo?

MAZMUR 25:1

Mazmur ri Daut. Ra Okou noyo, iou Tuhan, makiasi' aku;

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

GOSIA 10:13

Kaa' akau boo nantanom ra kalaatan am nangkumos ra kolondo' katimpakan. Mangakan kau kalalaat ra ampos ru abau min. “Ginio sabap ra akau malansan ra kurita' kuda min, am saujor min ondo' masuang kaga',

GOSIA 12:8

Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.

GOSIA 14:1

Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”

IMAMAT 6:22

Koson kalo boo lalanggain, taak simbalui ti musiti' pataakon ru moonong papag ri Arun ondo' masauk ra Tingganai Maayo Imam. Taak simbalui ti musiti' solobon ngaangai' koson taak ra Tuhan.

2 RAJA'-RAJA' 12:16

Ruit ondo' apuon ra tayar ru taak simbalui no koson mambayar ra kalubatan am taak simbalui koson mangampun ra tula kalo pasubolon ra kaban no. Ruit raginio pataakon ra imam-imam.