GOSIA 4:3 - Tanou Moonsoi Timugon

³ Ginio ra tana' nilo masauk mapua' am ngaangai' ondo' maayag ra rasawat no matoi. Ngaangai' bibiag am susuit, am papait pana matoi.”

GOSIA 4:3 ပူးပေါင်းရင်းမြစ်များ

JISAYA 33:9

Pagun nokoloso am masiluk. Kataunan ra Libanon nasauk liminonot; limayak Saron ra malabung nasauk koson ra tana' kaagisan; giu' ra Basan am Gunung Karmil raun-raun nangatutu'.

JIRIMIA 12:4

Kula' poyo buoi no ru pagun mai ti mapua', am sakot molonot giu' ra padang? Susuit am bibiag matoi sabap ra kalaatan ru bansa' mai, ondo' mindagu, ‘Kalo makito ri Aki Kapuuno' binaal takati.’ ”

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

JIRIMIA 4:25

Kolondo' nakito ku ra ulun; susuit pana ngaangai' nansiab.

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

JIRIMIA 9:9

Kalo kia musiti' Aku mangukum risilo sabap ra binaal nilo? Kalo kia musiti' Aku mansuli' ra bansa' koson raginio? Aku, Tuhan, nakaindagu noyo.”

YEHEZKIEL 38:20

Ngaangai' papait am susuit, ngaangai' bibiag maayo am boborok, am ngaangai' ulun ra tana' ti monontol sabap ra malaa' Raki'. Gunung maluyu', tobo matuan am moonong timbok malunsai.

JOIL 1:18

Bibiag tinambiag mampagala' am magalabo, sabap kolondo' boo padang sakot risilo ngaangai'; sampanon ru domba pana maimbolo'.

AMOS 1:2

Gitio noyo ondo' rinagu ri Amos, “Tuhan nansangal intor ra Bulur Sion, bolos Nano nonggolon intor ra Jirusalim. Padang ru sakot nasauk ra mapua', sakot giu' ra Gunung Karmil nasauk ra mapua'.”

AMOS 5:16

Ginio ra Tuhan Raja' Ondo' Maayo Kaga' Kuasa' mindagu, “Giu' ra ralan-ralan ru bandar, ulun manulaboi am mantangi' sabap mangiluk guang. Mulu' piboo ra ulun-ulun magitanom pana piawon koson maya' manulaboi mababaya' ra ulun ondo' ginajian koson manulaboi ra ulun minatoi.

AMOS 8:8

Ginio ra tana' ti mogonggon am ngaangai' ulun giu' ra pagun no magalabo. Titikop ru pagun mauyog; tana' ti magaloi tumuun koson ra Sungoi Nil.

NAGUM 1:4

Ra susuban Nano, raat malasak; sungoi pana lasakin. Padang-padang giu' ra Basan mapua', Gunung Karmil pana mapua', am lumonot boo bunga'-bunga' giu' ra Libanon.

JIPANYA 1:3

ngaangai' ulun am bibiag, makaaya' susuit am papait. Kalaan Ku ulun malaat. Pusoon Ku ngaangai' ulun; kolondo' sangulun pana polosoon Ku maayag. Aku, Tuhan nakaindagu noyo.

JAKARIA 5:4

Minindagu Tuhan Ondo' Maayo Kaga' Kuasa' ra porotongon No pagulasan no ra moonong baloi ru moonong mantatakou am baloi ru moonong ulun ondo' nagibot ra kalo motopot. Pagulasan no mayan ra baloi nilo saboi ngaangai' no masauk ra tunturan ru napuut.”