GOSIA 4:2 - Tanou Moonsoi Timugon

² Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

GOSIA 4:2 ပူးပေါင်းရင်းမြစ်များ

GOSIA 6:9

Imam-imam giu' ra bandar raginio koson ra santimungan ulun mantakou ondo' nambaal ra pamulunsaran sininok ra ulun ondo' mangkiralan. Giu' pana ra ralan ondo' sumuku' ra intok mapasau giu' ra Sikgim pana namatoi ilo. Sumingon ilo mambaal ra ngaangai' baal ra malaat no.

1 TISALONIKA 2:15

Ilo noyo namatoi ra Tuhan Jisus am nabi-nabi am niayuk nangimbolo' ramon. Kalo gumagaya' ilo ri Aki Kapuuno' am makimantula' ilo ra ngaangai' ulun.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

JIRIMIA 6:7

Koson taur ru timug mangingkual ayuk ra timug, koson niayuk ra bandar no manangampos ayuk ra kalaatan. Nokorongog Aku intor ra pangimbalaan am kapusaan ra bandar ti; nakakito Aku ra maruol am pilat ra giu' no.

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

MATIUS 23:35

Pupus no, ukum ra namatoi ra ngaangai' ulun ondo' kolondo' sala i paratuon ramuyun. Intor namatayan ri Abil ondo' kolondo' sala, suku' namatayan ri Jakaria, anak ri Birikia, ondo' pinatoi min ra lolot ru altar am Intok Matulai.

JAKARIA 7:9

“Paat ra galing i, nangani' Aku ra susuban ti ra ulun Kuno, ‘Akau musiti' mambaal ra matimpok, moonsoi guang am makaasi' ra ulun ru akau po ngai'.

JAKARIA 5:3

Kopongo raginio indagu io raki', “Giu' ra naskhah rinulun no mokoondo' tinulisan pagulasan ra titikop ru pagun ti. Giu' ra rondo' tayar ru naskhah rinulun no mokoondo' tinulisan ra moonong mantatakou patirin intor ra pagun ti, am giu' ra tayar ru sapapa' ru naskhah rinulun no mokoondo' tinulisan ra moonong ulun ondo' nagibot ra kalo motopot patirin niayuk.

JIPANYA 3:1

Aibui boo ra Jirusalim, bandar malaat ondo' masaga' gumuor ra Tuhan am ondo' mangimbolo' ra mamagun nano galama'.

MIKA 6:10

Giu' ra baloi ru ulun malaat mokoondo' ra rapu' ondo' noowot ra pamparuungan. Nampakai ilo ra tutuku' kalo motopot, rondo' baal ondo' kasisangan Kuno. Ulun ondo' mambaal raginio ukumin Kuno.

MIKA 3:9

Rongogo' noyo ragu-ragu kutu, panguasa' ru Israil kau ngai', akau ondo' masisang ra katimpakan am mangulau ra katapatan masauk ra kasalaan.

MIKA 3:2

kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

GOSIA 12:14

Nanusub Tuhan ra sangulun nabi koson mampalabus ra ulun ru Israil intor ra pangulipanan giu' ra Misir, am koson magalung risilo.

GOSIA 10:4

Mindagu ilo ra ragu-ragu kolondo' toojo onong am nambaal ra bantu' magabau am niayuk nangigot ra nabantuan ondo' kolondo' onong. Katimpakan pinatimpurok saboi kolondo' katimpakan no nakasuku' ra titikop pagun koson ra tatanom makaanit giu' ra umo ondo' rinadu' noyo.

GOSIA 7:3

Indagu Tuhan, “Ra ruung am binaal malaat, kuminam mamagun mampabansuk ra guang ru raja' am pagawai-pagawai nano.

GOSIA 5:2

am koson ra luang malandom giu' ra Sitim. Ginio ra mangukum Aku ramuyun ngaangai'.

SULABOI 4:13

Kaa' baal raginio nasauk sabap ra nabi-nabi nano makatula noyo, am imam-imam nano namatoi ra ulun ondo' kolondo' sala.

JISAYA 48:1

Rongogo' noyo baal ragitio, akau ulun ru Israil, papag ri Jiuda, nampator kau ralalom inggalan ru Tuhan am mangiou sumamba ri Aki Kapuuno' ru Israil, kaa' ragu-ragu mino kalo motopot.

JISAYA 24:5

Tana' ti majamol sabap ra ulun minanggal ra ukum-ukum ri Aki Kapuuno' am liminungkang ra nabantuan ondo' binaal ri Aki Kapuuno' am ilo ra sabuoi-buoi no.

KASAUKAN 4:8

Indagu boo i Kain ra boborok nano, i Abil, “Ongoi to ra umo.” Pakasaboi ilo ra intok no, gabuo' ri Kain boborok nano am potoyo' no.

SAGULION 5:11

‘Pai' sabito' inggalan Kuno ra kuayan ondo' malaat sabap Aku Tuhan i Aki Kapuuno' min, mangukum ra osoi ayuk ondo' mampajajou ra inggalan Kuno.

SAGULION 5:18

‘Pai' pansawa'.

SAGULION 5:19

‘Pai' pantakou.

JIRIMIA 51:5

Aku Tuhan, i Aki Kapuuno' Ondo' Maayo Kaga' Kuasa', kalo poyo nangiruan ra Israil am Jiuda, kabalu' pana makatula ilo noyo Raki', Ondo' Matulai Kaga', i Aki Kapuuno' ru Israil.

YEHEZKIEL 7:23

Titikop pagun mataliajou; pagun natikop ra pampatayan, am bandar-bandar nototop ra kalaatan.

GOSIA 6:8

Giliad rondo' bandar ondo' nososok ra ulun malaat am ulun mamatoi.

GOSIA 7:4

Ilo ngaangai' malaat am kalo gumagaya'. Sisang nilo koson ra apui giu' ra ralalom ru rapuan ondo' kalo pinaangan ru ulun mambaal ra ruti' ra kalo poyo mopongo kabaal ruti' makata' koson solobon.

GOSIA 10:13

Kaa' akau boo nantanom ra kalaatan am nangkumos ra kolondo' katimpakan. Mangakan kau kalalaat ra ampos ru abau min. “Ginio sabap ra akau malansan ra kurita' kuda min, am saujor min ondo' masuang kaga',