GOSIA 4:16 - Tanou Moonsoi Timugon

¹⁶ Ulun ru Israil mokotog ulu koson ra baghal. Ati kulaan Aku makapagalung risilo koson ra domba giu' ra padang sakot?

GOSIA 4:16 ပူးပေါင်းရင်းမြစ်များ

MAZMUR 78:8

Kalo masauk ilo koson ra kinamatuaan nilai, ulun ondo' masalok malasu' guang am kalo gumagaya'; pangintapatan nilono kalo mapiot, am kalo gumagaya' ilo ri Aki Kapuuno'.

JISAYA 22:18

Luluiron No okou am pobobolon koson ra bula giu' ra pagun ondo' maayo. Matoi kou ra giu', mababaya' ra kurita' kuda ondo' anggakon muno. Nampakauyu' kou ra pabukat ru tuan muno.

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

JISAYA 5:17

Nakaayantanga' ra napuutan ru bandar, anak ru domba mongkotop ra sakot am anak ru kambing mokoowot ra limayak ondo' makasakot malabung.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

JIRIMIA 3:11

Nambala' boo Tuhan raki' ra kabalu' pana nangiruan i Israil Riso, moonsoi poyo i Israil intor ri Jiuda ondo' kalo gumagaya' no.

JIRIMIA 3:6

Paat ra pamarintaan ru Raja' Josia, indagu Tuhan raki', “Nakito mu noyo kia binaal ru Israil, ruandu' ondo' kalo gumagaya' no? Nangiruan io Raki' am nantalan ra inan giu' ra rasawat ru moonong bulur masawat am giu' ra saau ru moonong puun tataun masansam.

JIRIMIA 3:8

Nakakito niayuk ri Jiuda ra inali am pinaugar Ku Israil, sabap ra nangiruan io Raki' am nasauk ra mantalan ra inan. Kaa' i Jiuda ondo' kalo gumagaya', pabukat ri Israil no, kalo malaa'. I Jiuda pana minaya' nasauk ra mantalan ra inan

JIRIMIA 31:18

Nokorongog Aku ra ulun ru Israil mindagu ra malumpus kaga', ‘Iou Tuhan, koson akai ra anak ru sapi' ondo' kalo poyo pinakaup, kaa' nangila' Kou ramon maa' raginio gumagaya' akai. Ibito' akai sumaguli'; nakatampos akai no sumaguli' Rirun, sabap Okou no Tuhan, i Aki Kapuuno' mai.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

JIRIMIA 8:5

Kaa' kua ramuyun, ulun Kuno, nararayus nangiruan Raki' am kalo siminaguli' Raki'? Kua mapiot guut min ra sinungkalalaing min am marara' sumaguli' Raki'.

GOSIA 10:11

“Galing i Israil koson ra sapi' mamulok ondo' inila', am magail tumampos mangagik ra gandum. Kalo pana boo paatangon Ku kuk ra impus nano ondo' moonsoi no. Kaa' raino namatas Aku noyo koson jajalin io mangandoi ra maagat. Manusub Aku ri Jiuda mamparadu' am Israil mamunduk ra radu'.

GOSIA 11:6

Pangayawan lumumpa' ra bandar-bandar nilo, am kulobon garabang ru bandar lunsayon. Ulun Kuno pusoon sabap ra sinugut nilo kasagaan nilo galama'.

GOSIA 11:7

Totopot ilo masaga' mangiruan Raki'. Mampalaa ilo makiindangan sabap ra inimbolo', kaa' kolondo' osoi pana mampalabus risilo.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

JAKARIA 7:11

Kaa' ulun Kuno mokotog ulu am marara' rumongog ra susuban Kuno; silongon nilo talingo maa' raginio kalo mokorongog.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.