GOSIA 4:14 - Tanou Moonsoi Timugon

¹⁴ Kaa' kalo ukumin Ku ilo koson ra binaal raginio, sabap ra akau galama' pana nansawa' ra ruandu'-ruandu' mantalan ra inan ondo' mangandoi giu' ra baloi ru sinungkalalaing sambaan. Mababaya' risilo, nampataak kau ra taak simbalui ra dewa. Motopot ragu ragitio, ‘Bansa' ondo' kolondo' karatian intor ri Aki Kapuuno' mapuso.’

GOSIA 4:14 ပူးပေါင်းရင်းမြစ်များ

1 RAJA'-RAJA' 15:12

Ngaangai' ru ulun mantalan ra inan ungkuyon am ruandu' ondo' nangandoi giu' ra intok-intok sambaan ra dewa pinaingkual ra pagun; io niayuk nangimpai ra ngaangai' sinungkalalaing sambaan ondo' binaal ru raja'-raja' nakapagulu intor riso.

2 RAJA'-RAJA' 23:7

Linunsai ru Raja' Josia intok inayanan ru ulun-ulun mantalan ra inan ru kuil giu' ra Baloi ru Tuhan. (Giu' no bala ruandu' mambaal ra sukub ondo' bayangon sumamba ra Dewi Asyira.)

AMSAL 28:5

Ulun malaat kalo makaulig ra katimpakan; ulun ondo' sumamba ra Tuhan, io no makarati' toojo.

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

DANIL 12:10

Masuang ulun kinamin am kapasawon. Ulun malaat kalo makarati'; rumayus ilo mambaal ra kalaatan nilo. Ulun mapintar ayuk makarati'.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 4:17

Ulun ru Israil nabunduk guang ra sinungkalalaing. Ginio ra polosoon ilo.

GOSIA 5:4

Kalaatan ondo' binaal ru ulun ru Israil mongompong risilo sumaguli' ri Aki Kapuuno'. Kinapit ilo kaga' ru sumamba ra sinungkalalaing, saboi kalo boo mangiou ilo ra Tuhan.

AMOS 2:7

Kikinjangin nilo ulun malawo ondo' kalo maikang am manginggi' ra ulun musikin. Ama' am anak ungkuyon nano narulug ra ulipon ra ruandu' ondo' nogondo', saboi nampajamar ra inggalan Kuno ondo' matulai.

AMOS 7:17

gitio noyo ragu ru Tuhan, ‘Andu' muno masauk ra ulun mantalan ra inan giu' ra ralan-ralan ru bandar am anak-anak muno potoyon ralalom ru pangayawan. Tana' muno tatayaron am taakin ra ulun bokon; okou galama' matoi giu' ra pagun ru ulun ondo' kalo makaulig ri Aki Kapuuno'. Mamagun ru Israil maaru' ibiton ra pamatiran, maalur intor ra pagun nilo galama'.’ ”

UNTABAN 25:3

ra tuhan ru ulun ru Moab. Sabap ra siminamba ilo ra Baal giu' ra Pior, siminangit Tuhan risilo

JUANIS 8:43

Kua pai' kau pakarati' ra kon Kutu? Sabap ra kalo tumaan kau mangkirongog ra pangilaan Kuno.

ROMA 3:11

kolondo' ra sangulun pana makarati' ra atan ondo' motopot am sumamba ri Aki Kapuuno'.

1 KORINTUS 6:16

Kapoam, musiti' makapandai kau ra osoi ayuk makasimpung ra ruandu' mantalan ra inan, masauk io rondo' riso. Sabap ra gitio noyo tinulisan ra Buuk Kitab, “Karuruo no masauk boo rondo'.”

IPISUS 4:18

Pangaratian nilo pana molondom. Kalo niayuk nakaliman ilo ra kaayagan ondo' taakin ri Aki Kapuuno', sabap ra kalo masaga' ilo mintutun am mokotog toojo ulu nilo.

SAGULION 23:17

“Ulun ru Israil, iou pana ungkuyon kabalu' pana ruandu', kalo iowon masauk ra mantatalan ra inan giu' ra kuil-kuil ru sinungkalalaing.

IBRANI 12:8

Amon ru kalo loposon am ilaan kau mabaya' ra ngaangai' ondo' sabiton No ra anak, arati' no akau ti sala' ka anak Nano galama', kaa' koson kau ayuk ra anak sawa'.