GOSIA 4:13 - Tanou Moonsoi Timugon

¹³ Nampataak ilo ra taak simbalui giu' ra intok-intok sambaan ra sinungkalalaing giu' ra gunung. Sinolob nilo kaminyan giu' ra bulur, giu' ra saau ru puun-puun tataun makalu ondo' maawas raun sabap ra intok raginio masindungan. Kinibit nano anak-anak ruandu' min nasauk ra ruandu' mantalan ra inan, am anak-anak mangiwan ra ruandu' min nansasawa'.

GOSIA 4:13 ပူးပေါင်းရင်းမြစ်များ

2 RAJA'-RAJA' 17:7

Bandar Samaria naratu' sabap ra ulun ru Israil makatula ra Tuhan, i Aki Kapuuno' nilo, ondo' namayag noyo risilo intor ra raja' ru Misir am nagibit risilo miningkual intor ra pagun ru Misir. Sinamba nilo ra tuhan-tuhan ra bokon,

2 RAJA'-RAJA' 23:7

Linunsai ru Raja' Josia intok inayanan ru ulun-ulun mantalan ra inan ru kuil giu' ra Baloi ru Tuhan. (Giu' no bala ruandu' mambaal ra sukub ondo' bayangon sumamba ra Dewi Asyira.)

JISAYA 1:29

Pansagulian guang mino ra akau sumamba ra puun ra tataun am manusub ra dewa-dewa koson magalung am mambarakat ra umo, maa' raginio makapaingkual ra ampos masuang.

JISAYA 57:5

Sumamba kau ra dewa-dewa kalabungan am mansawa' ra saau ru puun-puun keramat. Pataakon min anak-anak mino koson ra taak simbalui giu' ra lapak ru bulur batu, giu' ra limayak sungoi.

JISAYA 57:7

Mongoi kau ra tampak ru gunung ondo' mangasawat koson mapataak ra taak simbalui am mangimong ra saga' ru guang mino.

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 3:6

Paat ra pamarintaan ru Raja' Josia, indagu Tuhan raki', “Nakito mu noyo kia binaal ru Israil, ruandu' ondo' kalo gumagaya' no? Nangiruan io Raki' am nantalan ra inan giu' ra rasawat ru moonong bulur masawat am giu' ra saau ru moonong puun tataun masansam.

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

YEHEZKIEL 16:16

Binungaan mu intok sambayangan muno ra bayang muno, am koson ra ruandu' mantalan ra inan pinataak mu inan muno ra moonong ulun.

YEHEZKIEL 16:25

Jinamalan mu kinantalur muno. Pinataak mu inan muno ra osoi ayuk ondo' mansail ra giu' no, am kalo langgain mu mantalan ra inan.

YEHEZKIEL 6:13

Baangkai nilo makabanta' ra lolot ru sinungkalalaing am giu' ra liliut ru altar-altar, giu' ra rasawat ru moonong bulur ondo' masawat, giu' ra saau ru moonong puun tataun masansam am moonong puun tataun oak ondo' maayo, giu' ra moonong intok papataakan nilo ra taak simbalui ondo' sinolob ra sinungkalalaing nilo. Bagu no moonong ulun makapandai ra Aku noyo Tuhan.

GOSIA 10:8

Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”

GOSIA 11:2

Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

AMOS 7:17

gitio noyo ragu ru Tuhan, ‘Andu' muno masauk ra ulun mantalan ra inan giu' ra ralan-ralan ru bandar am anak-anak muno potoyon ralalom ru pangayawan. Tana' muno tatayaron am taakin ra ulun bokon; okou galama' matoi giu' ra pagun ru ulun ondo' kalo makaulig ri Aki Kapuuno'. Mamagun ru Israil maaru' ibiton ra pamatiran, maalur intor ra pagun nilo galama'.’ ”