GOSIA 4:12 - Tanou Moonsoi Timugon

¹² Nakitulu' ilo intor ra rondo' tataun. Rondo' jujuga' nambala' risilo ra atan ondo' gumogot ilo makapandai. Nangiruan ilo Raki'. Koson ra sangulun ruandu' ondo' nasauk ra ruandu' mantalan ra inan, timinaak ilo ra inan ra tuhan-tuhan ra bokon.

GOSIA 4:12 ပူးပေါင်းရင်းမြစ်များ

2 RAJA'-RAJA' 17:7

Bandar Samaria naratu' sabap ra ulun ru Israil makatula ra Tuhan, i Aki Kapuuno' nilo, ondo' namayag noyo risilo intor ra raja' ru Misir am nagibit risilo miningkual intor ra pagun ru Misir. Sinamba nilo ra tuhan-tuhan ra bokon,

2 TUNUNG RU BANSA' ISRAIL 21:13

Kaa', binaya' mu ralan kaayagan ru raja'-raja' ru Israil, am nangkinibit ra mamagun ru Jiuda am Jirusalim kalo giminagaya' ri Aki Kapuuno', koson ra Raja' Agab am raja'-raja' ondo' tauli no nangkinibit ra Israil kalo giminagaya' ri Aki Kapuuno'. Pinatoi mu piboo pabukat-pabukat muli ondo' moonsoi poyo ka okou.

MAZMUR 106:39

Baalon nilono mapajamol ra inan nilo galama', am kalo gumagaya' ilo ri Aki Kapuuno'.

MAZMUR 73:27

Ulun ondo' manatang Rirun maaru' io no mapuso, pusoon Mu ilo ondo' kalo gumagaya' Rirun.

JIRIMIA 10:8

Ngaangai' ilo gigiison am sasambungon. Atan kia maalap nilo kaigigila' intor ra sinungkalalaing ondo' binaal intor ra tataun?

JIRIMIA 2:27

Ngaangai' kau tauyuon. Akau no minindagu ra rondo' puun tataun koson ra ama' min am rondo' bulur koson ra ina' min. Baal ragitio masauk sabap ra nangiruan kau Raki' am kalo minatong Raki'. Kaa' paat ra akau makakapaganan, piawon min Aku koson mamayag ramuyun.

JIRIMIA 23:13

Nakakito Aku ra tula ru nabi-nabi ru Samaria. Minindagu ilo ralalom inggalan ru Baal, am nampalayau ra ulun Kuno Israil.

YEHEZKIEL 20:32

Gumogot kau masauk koson ra bansa'-bansa' ra bokon, koson ra ulun ondo' minayan giu' ra pagun-pagun ra bokon am ondo' sumamba ra puun tataun am batu. Baal raginio maaru' kalo masauk.”

YEHEZKIEL 21:21

Minigor raja' ru Babilonia giu' ra sapapa' ru papan tatandu' no, lilisangon ru ralan. Koson mangaru' ra ralan ra ati bayaan nano, inunggung no anak panah nano, nangkuot ra sinungkalalaing nano am nagilong ra angkayau ru bibiag ondo' pinataak koson ra taak simbalui.

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 5:4

Kalaatan ondo' binaal ru ulun ru Israil mongompong risilo sumaguli' ri Aki Kapuuno'. Kinapit ilo kaga' ru sumamba ra sinungkalalaing, saboi kalo boo mangiou ilo ra Tuhan.

GOSIA 6:10

Nakakito Aku ra rondo' ondo' makalalaa' giu' ra Israil: ulun Kuno nampajamol ra inan ra sumamba ra sinungkalalaing.

GOSIA 9:1

Akau ulun ru Israil, longgo' kano mangiantak ra pangiantakan koson ra bansa'-bansa' ra bokon. Iniruanan min noyo i Aki Kapuuno' min am kalo giminagaya' Riso. Giu' ra moonong intok pangagikan ra gandum, tinalan min inan koson ra ulun mantalan ra inan ra Dewa Baal. Masaga' kau mangapu ra gandum ondo' karaan min koson ra gaji' ru dewa no ramuyun.

IMAMAT 17:7

Musiti' ulun ru Israil magulayun gumagaya' ra Tuhan, am kalo manimbalui ra bibiag nilo giu' ra tana' malimparang ra tayar ru taak ra riwato-riwato ondo' sumalu ra kambing. Musiti' aturan ragitio gagayaan ru ulun ru Israil ra sabuoi-buoi no.

IMAMAT 20:5

am Aku galama' boo mangukum riso am ngaangai' sasambaloi nano, am niayuk ngaangai' ulun ondo' mababaya' riso mangiruan Raki' am sumamba ra Dewa Molok. Kalo boo mangkara' Aku risilo ra ulun Kuno.

MIKA 2:11

Masaga' kau ra nabi ondo' masaga' magabau am mamparuung, am ondo' mindagu, ‘Manala' aku ra makaalap kau ra wain am inumon makagauk ondo' masuang toojo.’

ABAKUK 2:19

Aibui boo ramuyun sabap mindagu kau ra saputul luton, “Tirong no!” kapoam mindagu ra rondo' batu maayo, “Ingkakat no!” Makaindagu kia sinungkalalaing rirun? Maaru' lair sinungkalalaing inangkupan ra pirok am mas, kaa' sinungkalalaing no kalo mamainawo.

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

TINGGANAI RU BANSA' 18:5

Konilo riso, “Kuati' i Aki Kapuuno', makasugut akai nua' kapoam kalo ralalom pangkiralanan mai ti.”