GOSIA 4:11 - Tanou Moonsoi Timugon

¹¹ Indagu Tuhan, “Wain, ondo' lairon am ondo' baguon nampajajou ra pangkaraan ru ulun Kuno.

GOSIA 4:11 ပူးပေါင်းရင်းမြစ်များ

AMSAL 20:1

Inumon ra mampagauk mambaal ra ulun magauk am mambutok. Sasambungon noyo ulun manginum saboi magauk.

AMSAL 31:4

Rongogo' noyo, alii ri Limuil. Raja' sotopot no kalo manginum ra wain, kapoam masuolok ra inumon mampagauk.

AMSAL 6:32

Kaa' sangulun ungkuyon lumapau io no sasambungon. Ungkuyon raginio mangimbolo' ra inan nano galama'.

MAMPATANOU 7:7

Amon ulun mapintar no magabau, ilo no kolondo' katandaan. Amon ru ulun mangapu ra rasua, ilo nampalunsai ra paliso moonsoi.

JISAYA 28:7

Nabi am imam pana nagauk kaga' saboi kakasumpil ayuk ra mugar. Masuang kaga' ininum nilo ra wain am arak saboi makasaru sabap naubong. Nabi-nabi nangagauk kaga' saboi kalo boo mauligan nilo atan ondo' pinaintalang ri Aki Kapuuno', am ngaangai' imam nangagauk kaga' saboi kalo boo mapatasan nilo kasaukan ondo' pinabala' risilo.

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

JIRIMIA 23:13

Nakakito Aku ra tula ru nabi-nabi ru Samaria. Minindagu ilo ralalom inggalan ru Baal, am nampalayau ra ulun Kuno Israil.

GOSIA 4:12

Nakitulu' ilo intor ra rondo' tataun. Rondo' jujuga' nambala' risilo ra atan ondo' gumogot ilo makapandai. Nangiruan ilo Raki'. Koson ra sangulun ruandu' ondo' nasauk ra ruandu' mantalan ra inan, timinaak ilo ra inan ra tuhan-tuhan ra bokon.

GOSIA 5:4

Kalaatan ondo' binaal ru ulun ru Israil mongompong risilo sumaguli' ri Aki Kapuuno'. Kinapit ilo kaga' ru sumamba ra sinungkalalaing, saboi kalo boo mangiou ilo ra Tuhan.

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

IMAMAT 10:9

“Pai' noyo okou am anak-anak muno umpos ralalom ru Kim ru Tuhan ra mopongo manginum ra wain kapoam inumon makagauk. Amon ru mumpos kau, matoi kau. Gitio noyo aturan ondo' musiti' gagayaan ru ngaangai' papag muno.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

1 SAMUIL 25:36

Paat ri Abigail minuli' ri Nabal, mokoondo' bunsag maayo giu' ra baloi nano, koson ra bunsag ru raja'. Sabap ra nagauk i Nabal am maansukan, kalo nambala' i Abigail ra atan pana riso saboi ra suabon no.