GOSIA 4:10 - Tanou Moonsoi Timugon

¹⁰ Mangakan kau ra tayar intor ra taak-taak simbalui ondo' pinataak, kaa' marayus kau maitilan. Sambaan min dewa-dewa kalabungan, kaa' magulayun kau kalo makaalap ra anak. Ngaangai' no nasauk sabap ra nangiruan kano Raki' koson sumamba ra tuhan-tuhan ra bokon.”

GOSIA 4:10 ပူးပေါင်းရင်းမြစ်များ

2 TUNUNG RU BANSA' ISRAIL 24:17

Kaa' kalupus pinatayan ri Joyada, tingganai-tingganai ru Jiuda nanusuk ra Raja' Joas maa' raginio rumongog ra pinson nilo.

MAZMUR 125:5

Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!

MAZMUR 36:3

sabap ra ilo malilimbau, mangkara' ilo tula nilo kalo mapandayan am kalo kasisangin.

AMSAL 13:25

Ulun moonsoi masalok maukop ra akanon, kaa' ulun malaat masalok maitilan.

JIRIMIA 34:15

Kukula' ngoorou ra nakasail, nambaal kau ra baal ondo' mapabansuk ra guang Kuno. Akau ngaangai' nangiou koson mampalabus ra gino ngai' ru bansa' min ondo' nasauk ra ulipon. Nambaal kau ra nabantuan ra saang Kuno giu' ra Baloi Kuno, intok Aku sambaan.

JIRIMIA 9:12

Pangkuot aku, “Iou Tuhan, kua ra pagun ti nasauk ra kolondo' tutuu' am napua' koson ra tana' kaagisan, saboi kolondo' ulun mansail no? Osoi kia ondo' sama' pintar koson makarati' ra ngaangai' no? Osoi kinua' balain Muno intor ra baal ragitio maa' raginio makapambala' io ra ulun bokon?”

YEHEZKIEL 18:24

“Kaa' amon ru sangulun moonsoi lumonggo' mambaal ra moonsoi, am tumalimpuun mambaal ra malaat am mambaal ra baal-baal ondo' binaal ru ulun malaat, maayag io ayuk kia? Kalo! Ngaangai' baal moonsoi ondo' igondo' binaal nano kalo karaan. Matoi io sabap ra kalo gumagaya' io Raki' am sabap ra makatula io noyo.

YEHEZKIEL 22:9

Sampiruo ra ulun muno magabau maa' raginio ulun ra bokon ukumin ra matoi. Mokoondo' poyo boo ondo' mangakan ra akanon ondo' pataakon ra sinungkalalaing. Mokoondo' ulun ondo' masalok mapagagaya' ra kasagaan galama' nilo.

GOSIA 4:14

Kaa' kalo ukumin Ku ilo koson ra binaal raginio, sabap ra akau galama' pana nansawa' ra ruandu'-ruandu' mantalan ra inan ondo' mangandoi giu' ra baloi ru sinungkalalaing sambaan. Mababaya' risilo, nampataak kau ra taak simbalui ra dewa. Motopot ragu ragitio, ‘Bansa' ondo' kolondo' karatian intor ri Aki Kapuuno' mapuso.’

GOSIA 7:4

Ilo ngaangai' malaat am kalo gumagaya'. Sisang nilo koson ra apui giu' ra ralalom ru rapuan ondo' kalo pinaangan ru ulun mambaal ra ruti' ra kalo poyo mopongo kabaal ruti' makata' koson solobon.

IMAMAT 26:26

Kalo manaak Aku ramuyun ra akanon saboi mopor ngaulun ruandu' makapakuan ra rondo' ayuk intok pangansakan ra ruti' koson mangansak ra ngaangai' ruti' ondo' soroi. Tukuon ruti' no, makaakan kau pana raginio, lakat kau poyo maitilan.

MIKA 6:14

Mangakan kau, kaa' kalo maasug; maitilan kau ayuk. Mantakou kau ra kuliamos, kaa' kalo mabulian min. Ngaangai' atan ondo' pinauli min pusoon Ku ralalom ru pangayawan.

JIPANYA 1:6

Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.