GOSIA 3:5 - Tanou Moonsoi Timugon

⁵ Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

GOSIA 3:5 ပူးပေါင်းရင်းမြစ်များ

1 RAJA'-RAJA' 12:16

Paat ra mamagun no nakaliman ra kalo masaga' raja' no mangiou ra kitaakon nilo, golok ilo, “Pai' lioo' Raja' Daut am sasambaloi nano? Kalo igondo' ilo pambaal ra atan-atan ritakau! Ngaangai' ulun ru Israil, ibok kano uli' takau! Polosoon noyo Raja' Rigabiam migalung galama' ra inan nano!” Ginio ra gumuor ulun ru Israil,

JISAYA 17:7

Bulintok ru orou raginio matong, ulun sumaguli' makiindangan Riso Namangun risilo, i Aki Kapuuno' ru Israil, i Aki Kapuuno' ondo' matulai.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 60:5

Makito mu baal raginio am bulos muno maamis ra ilain; maansukan kaga' guang muno am maayo guang. Rapu' ru bansa'-bansa' poropogon rirun, kinalangkayaan intor ra sandaup ru raat tumuluk rirun.

JISAYA 9:13

Songorou ayuk Tuhan no mangukum ra tingganai-tingganai ru Israil am mamagun. Ulu ru Israil Ingguluin am iku' pututin No.

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JIRIMIA 30:9

Mangandoi kau ayuk Raki', Tuhan, i Aki Kapuuno' min, am mangandoi ayuk ra sangulun papag ri Daut ondo' lantikon Ku ra raja'.

JIRIMIA 33:17

Aku, Tuhan nambantu' ra masalok mokoondo' sangulun intor ra papag ri Daut ondo' masauk ra raja' ru Israil;

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

DANIL 2:28

Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

GOSIA 5:15

Iruanin Ku ulun Kuno saboi maimbolo' ilo kaga' sabap ra tula nilo, am matong ilo maguyum Raki'. Maaru' lair ra ralalom ru kaimbalaan, mirot ilo maguyum Raki'.”

GOSIA 5:6

Maguyum ilo ra Tuhan am nagibit ra domba am sapi' koson ra taak simbalui, kaa' binaal raginio kolondo' onong. Kalo nakatuum ilo ra Tuhan, sabap ra nangiruan ilo risilo.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

UNTABAN 24:14

Indagu i Biliam ra Raja' Balak, “Raino masaga' aku muli' ra bansa' kuli. Kaa' ra kalo poyo mugar aku, polosoo' aku no mambala' rirun ra atan ondo' baalon ru ulun ru Israil ra bansa' muno ra orou tauli no.”

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.