GOSIA 2:8 - Tanou Moonsoi Timugon

⁸ Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

GOSIA 2:8 ပူးပေါင်းရင်းမြစ်များ

1 TUNUNG RU BANSA' ISRAIL 29:16

Iou Tuhan, i Aki Kapuuno' mai, ngaangai' kuliamos mologo ti timungon mai ragiti koson mambaal ra rondo' baloi Rirun maa' raginio makapangurumat akai ra inggalan Muno ondo' matulai. Kaa' ngaangai' ti inapu mai intor Rirun galama' am longgom Mu niayuk.

AYUP 19:8

Inompong noyo ri Aki Kapuuno' ralan kuno saboi kalo makasail aku; kinolondom No kaga' ralan kuno.

JISAYA 1:3

Sapi' makaulig ra nomolonggom riso no, am kaladai pana makatanda' ra intok papaakanan riso ru nomolonggom riso no, kaa' ulun Kuno Israil kalo makatutun. Totopot kalo makarati' ilo.”

JISAYA 46:6

Ulun mapaingkual ra mas intor ra katia' nano, am manimbang ra pirok ra timbangan. Mampagaji' io sangulun manukang ra mas koson mambaal ra sinungkalalaing, am sambaan no sinungkalalaing binaal nano.

JIRIMIA 7:18

Lalaing-lalaing nanimung ra luton, ungkuyon nampaang ra apui, am ruandu' nangutou ra tapung koson baalon ra kuui ra dewi ondo' ininggalanan nilo koson ra Raja' Ruandu' ru Suruga'. Nampataak ilo niayuk ra wain ra tuhan-tuhan ra bokon koson mapakaruol ra guang Kuno.

YEHEZKIEL 23:41

Manturung ilo giu' ra kurisi' maawar ondo' moonsoi, giu' ra saang ru mija' ondo' natikop ra akanon maamis, am kaminyan am niayuk umau jaitun ondo' pinataak Kuno risilo.

DANIL 3:1

Paat ra sanganuan nambaal Raja' Nibukadnijar ra rondo' sinungkalalaing intor ra mas: sawat no 27 ngamito am pila' no maar 3 ngamito. Pinabigor no sinungkalalaing no giu' ra intok marata' Dura ra wilayah Babil.

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

GOSIA 13:1

Paat ra galing i paat ra bansa' ru Ipraim minindagu, bansa'-bansa' ra bokon giu' ra Israil malaa'. Mangurumat ilo kaga' ra Ipraim, kaa' raino bansa' ru Ipraim makatula. Sinamba nilo Baal, ginio ra matoi ilo.

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

GOSIA 2:5

Ginio ra manginsur Aku riso ra bulungkut makaruui am ampangin ralan nano ra timbok.

GOSIA 4:11

Indagu Tuhan, “Wain, ondo' lairon am ondo' baguon nampajajou ra pangkaraan ru ulun Kuno.

GOSIA 8:4

“Ulun Kuno nampili' ra raja'-raja' ra kalo nangkuot ra pampaguangan Kuno. Nampili' ilo ra tingganai-tingganai ra kalo nakitaak ra pangiawan Kuno. Nangalap ilo ra mas am pirok am nambaal ra sinungkalalaing ondo' nangkinibit ra kapusaan nilo.

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

LUKAS 15:13

Kukula' ngoorou ragili, talano' ru pupusan i ngaangai' tayar nali am tanggau nababaya' ra ruit nali. Minongoi io ra rondo' pagun ondo' maalur toojo, am giu' i kalo boo naaru'-aru' pamakuan nano ra ruit nali am jajajou kaayagan nali.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

TINGGANAI RU BANSA' 9:27

Minongoi ilo ngaangai' ra umo ru anggur am nangupu' ra kawa' ru anggur. Pagaa' nilo boo kawa' ru anggur no, nambaal ra wain, am nambaal ra bunsag maayo. Nangakan nanginum ilo giu' ra ralalom kuil ru dewa nilo, liliwa' nagagasab ri Abimilik.