GOSIA 2:4 - Tanou Moonsoi Timugon

⁴ Ina' mino mantalan ra inan ondo' kalo mapandai mauyu'. Kono, ‘Mongoi aku ra ambai-ambai kuno ondo' mangani' raki' ra akanon am inumon, bulu domba am linon, umau jaitun am wain.’

GOSIA 2:4 ပူးပေါင်းရင်းမြစ်များ

2 RAJA'-RAJA' 9:22

Pangkuot Raja' Joram ra Raja' Jigu, “Okou matong ti koson ra rangan kia?” Kon ru Raja' Jigu, “Sala' ka lair koson ra rangan buoi ragiti lakat poyo masauk ragiti ilimu' sihir am sumamba ra sinungkalalaing ondo' pinuunan ri Ijibil, ina' muno raja'?”

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JISAYA 57:3

Ibok kano, akau ulun makatula. Polosoon akau akimin! Laat mini koson ra ulun mangurana', ulun ondo' masaga' mansawa', am ulun mantalan ra inan.

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 16:5

Pai' umpos ra baloi ru ulun ondo' mangulir. Pai' panulaboi ra osoi pana. Kalo boo barakaton Ku ulun Kuno ra kaansayan, am kalo motogom kapoam makaasi' Aku risilo.

YEHEZKIEL 23:25

Sabap ra sumangit Aku rirun, polosoon Ku ilo malaat pamakuan rirun. Binsilon nilo arung am talingo muno, am niayuk mamatoi ra anak-anak muno ra ungkuyon am ruandu'. Totopot ilo mamparakop am monolob ra anak-anak muno ra biag-biag.

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

GOSIA 1:2

Paat ra Tuhan mindagu ra Israil ra kainsaa' ondo' pinabala' galing ri Gosia, indagu Io, “Anduo' sangulun ruandu' ondo' masaga' mantalan ra inan; am anak-anak muno niayuk masauk koson riso. Ulun Kuno mogondo' ra andu' muno; kalo gumagaya' ilo Raki' am nangiruan noyo Raki'.”

GOSIA 1:6

I Gomir pana maapang poyo am naganak sangulun anak ruandu'. Indagu Tuhan ri Gosia, “Inggalani' anak raginio ‘Kalo Tagamin’, sabap ra kalo boo makaasi' Aku kapoam mangampun ra bansa' ru Israil.

GOSIA 5:7

Kalo gumagaya' ilo ra Tuhan; anak-anak nilo sala' ka anak-anak Nano. Ginio ra, kalo boo mabuoi ilo am tana' nilo pusoon.

JAKARIA 1:12

Indagu boo malaikat no, “Iou Tuhan Ondo' Maayo Kaga' Kuasa', siminangit Kou ra Jirusalim am bandar-bandar giu' ra Jiuda buoi tulu' ngoopor ngambilor. Saboi sanggilan kia Okou magulayun sumangit am kalo mangampun risilo?”

JUANIS 8:41

Akau mambaal niayuk ra atan ondo' baalon ru ama' min.” Taam ilo, “Pai' ru anak sawa' akai! Rondo' ayuk Ama' mai, i Aki Kapuuno' galama'.”

ROMA 11:22

Ginio mapandayan takau ra kataawan am ukum ri Aki Kapuuno'. Moporos ukum Nano risilo ondo' matulaan, kaa' mataau Io ramuyun amon ru rumayus kau lumansan ra kataawan Nano. Kaa' amon ru kalo, akau niayuk indaanin No.

ROMA 9:18

Ginio nai ra, amon ru masaga' i Aki Kapuuno' makaasi' ra sasangulun, ginio baalon No. Am poyo, amon ru masaga' Io mambaal ra sasangulun mokotog ulu, ginio baalon No.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.