GOSIA 2:22 - Tanou Moonsoi Timugon

²² Saukon Ku ulun Kuno langkaya' am lumayun giu' ra pagun no. Makaasi' Aku risilo ondo' sabiton ‘Kalo Tagamin’; am risilo ondo' sabiton ‘Sala' ka Ulun Kuno’ am raguon Kuno ‘Akau ulun Kuno’; am tumaam ilo, ‘Okou noyo i Aki Kapuuno' mai.’ ”

GOSIA 2:22 ပူးပေါင်းရင်းမြစ်များ

JISAYA 62:4

Kalo boo sabiton kou “Ondo' Tinatang”, pagun muno kalo boo sabiton “Ondo' Masilukan”. Kaa' sabiton kou “Ondo' Tagamin ri Aki Kapuuno'”, pagun muno sabiton “Ondo' Nakapaguot” sabap ra Tuhan maansayan rirun, am masauk koson ra ralaki ru pagun muno.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

GOSIA 1:4

Indagu Tuhan riso, “Inggalani' anak no ri ‘Jijriil’, sabap ra kalo boo mabuoi mangukum Aku ra raja' ru Israil koson mambalos ra pamatayan ondo' binaal ru kinamatuaan nano, i Jigu, giu' ra Jijriil Pupusin Ku pamarintaan ru papag ri Jigu giu' ra Israil.

GOSIA 14:7

Maayag ilo am sumuang toojo koson ra tatanom ondo' masuang talantar nano, am masauk ilo ra moonsoi koson ra puun ru jaitun. Masauk ilo ra maamis owou koson ra puun ru sidar giu' ra Libanon.

JOIL 2:19

Tumaam Io risilo, “Raino masaga' Aku mangani' ramuyun ra gandum, wain am umau jaitun, am basugon kau. Bansa'-bansa' ra bokon kalo boo magasab ramuyun.

JAKARIA 8:8

am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.