GOSIA 2:15 - Tanou Moonsoi Timugon

¹⁵ Sabiton no boo Aku ra ralaki nano, am sala' ka boo Baal nano.

GOSIA 2:15 ပူးပေါင်းရင်းမြစ်များ

1 RAJA'-RAJA' 16:31

Kalo sama' riso koson makatula koson ra Raja' Jirobiam. Raja' Agab no nambaal ra malaat poyo kaga'; inandu' no i Ijibil, anak ruandu' ru Raja' Itbaal intor ra Sidon, am Raja' Agab niayuk siminamba ra Baal.

MAZMUR 106:12

Ulun Nano pana mangintopot ra bantu' Nano, am marimbai koson mongompor Riso.

MAZMUR 129:1

Rimbai ru ratangan. Okou Israil, tunungo' ati kulaan pantula' muno nangimbolo' rirun, intor poyo ra kinamuloko' muli.

JISAYA 65:10

Sumamba ilo Raki', am maningganai ra tambiag nilo mongoi ra Dataran Saron tampilon ra kalasaan, am giu' ra Limayak Akor tampilon ra sirangon.

JISAYA 65:21

Ulun ondo' manambaloi ayanin no; baloi-baloi no kalo ayanin ru ulun bokon. Ilo ondo' mantanom ra anggur makasia' ra ampos nano; ampos raginio kalo masiaan ru ulun bokon. Ulun Kuno maawar painawo koson ra puun. Majala' ilo makasia' ra ampos ru kandoi nilono.

JIRIMIA 2:1

Nanusub Tuhan raki'

JIRIMIA 2:2

mampatanou ra tanou ragitio ra ngaangai' ulun giu' ra Jirusalim, “Mamagun kau ru Israil, nakara' Ku ra mapara' boo gagaya' min paat ra akau lakat poyo mamulok, am mapara' boo gayo ru togom min Raki' paat ra akau nasauk ra ulun inuot ragili. Minaya' kau Raki' nansail ra tana' kaagisan, nansail ra tana' ondo' kolondo' poyo tinanaman.

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

JIRIMIA 3:4

Kaa' raino mindagu kou Raki', ‘Okou noyo ama' kuno. Motogom Kou raki' intor ra aku boborok.

JIRIMIA 32:15

Tuhan Ondo' Maayo Kaga' Kuasa', i Aki Kapuuno' ru Israil, minindagu ra baloi, tana' am umo ru anggur balion poyo giti ra pagun ti.”

SULABOI 3:21

Kaa' kalansanan kuno minatong saguli' paat ra aku nakakara' ra baal ragitio:

YEHEZKIEL 16:22

Buoi ru kaayagan muno koson ra ruandu' mantalan ra inan ondo' makauyuyu' no, kalo igondo' kou pangkara' paat ra okou boborok, bulintok okou nagibabaang am nambilor ralalom ru raraa' muno galama'.”

YEHEZKIEL 16:60

Kaa' suguton Ku nabantuan ondo' binaal Kuno rirun paat ra okou mamulok ayuk poyo. Baalon Ku nabantuan ondo' masauk ra sabuoi-buoi no rirun.

YEHEZKIEL 16:8

“Paat ra Aku nansail poyo, nakaliman Aku ra paat muno koson makakubayau nasaboi noyo. Sinilian Ku inan muno ondo' nagibabaang no ra sukub Kuno. Nambantu' Aku motogom rirun am nambaal Aku ra nabantuan paguatan rirun maa' raginio okou masauk ra Aku tatangan.” Koon raginio noyo ragu ru Tuhan Raja'.

YEHEZKIEL 28:25

Indagu Tuhan Raja', “Ibiton Ku ulun ru Israil muli' intor ra pagun-pagun intok nampatuliaran Kuno risilo, am ngaangai' bansa' makapandai boo ra Aku ti matulai. Ulun ru Israil mayan poyo ra pagun nilo galama', tana' ondo' tinaakan Kuno ri Jakub, ulipon Kuno.

YEHEZKIEL 28:26

Mayan ilo ra giu' ra moonsoi. Manambaloi ilo am manangumo ra anggur. Ukumin Ku ngaangai' pasambalayan nilo ondo' igondo' nagasab risilo, am Israil maayag ra moonsoi. Makapandai ilo boo ra Aku noyo Tuhan, i Aki Kapuuno' nilo.”

GOSIA 11:1

Indagu Tuhan, “Motogom Aku ri Israil intor ra io lakat poyo boborok; Piawon Ku anak Kuno mingkual intor ra Misir.

GOSIA 12:13

Kinamatuaan takau, i Jakub, nagiru' ayuk kalalaat giu' ra pagun Misopotamia. Giu' no nangandoi io ra ulun bokon koson magagalung ra domba koson mokoowot ra andu'.

GOSIA 12:9

Konilo, ‘Langkaya' akai raino. Masuang rapu' mai. Kolondo' osoi pana makapanguu' ramon nambaal ra malaat.’

GOSIA 13:4

Indagu Tuhan, “Aku noyo Tuhan, i Aki Kapuuno' min ondo' naningganai noyo ramuyun miningkual intor ra Misir. Kolondo' i Aki Kapuuno' min kaa' Aku ayuk. Aku noyo rorondo' mamamayag ramuyun.

GOSIA 2:12

Ukumin Ku io sabap ra nakalilian io Raki'. Monolob io ra kaminyan tayar ru Baal, am malimpor io ra kuliamos mas koson mangilou ra ambai-ambai nano. Aku, Tuhan nakaindagu noyo.”

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

JAKARIA 9:12

Uli' kano, akau ulun pinatiran, raino makakalansanan kau; uli' kano ra intok sindungan min. Balain Takamin raino, ra barakaton Takamin induo ruli' no ra ngaangai' kaimbalaan ondo' nauma' min.

UNTABAN 21:17

Paat raginio marimbai ulun ru Israil ra rimbai ragitio: “Akau tulubong, pabuluako' timug mino, mangkaang akai raginio ra rimbai.

JUANIS 10:9

Aku noyo kulobon. Osoi ayuk mangintopot Raki', bayagon io; mingkual am sumubol am poyo makaakanon io.

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

JOSUA 7:26

Pumpuni' nilo boo ra batu saboi nasauk rondo' pumpun ondo' maayo. Pumpun ru batu no lakat poyo soroi saboi ra orou raiti'. Ginio sabap ra intok no lakat poyo ininggalanan ra Limayak Kapaganan. Kopongo raginio kalo boo siminangit Tuhan.

TINGGANAI RU BANSA' 8:34

Kalo boo sumambayang ilo ra Tuhan i Aki Kapuuno' nilo, ondo' nampalabus risilo intor ra kuasa' ru pantula' ra libung nilo.