GOSIA 2:14 - Tanou Moonsoi Timugon

¹⁴ Pasagulion Ku umo ru anggur ondo' linonggom no ragili am Limayak Kapaganan pasaukon ra rondo' kulobon kalansanan. Giu' no manguma' io Raki' koson ra paat io mamulok, paat ra io bagu miningkual intor ra Misir.

GOSIA 2:14 ပူးပေါင်းရင်းမြစ်များ

KASAUKAN 34:3

Kaa' kabunduk boo guang ri Sikgim no ri Dina saboi malaai io kaga', am mirot io mangambi' ra guang ru ralaa no.

AYUP 36:16

Pinalabus kou ri Aki Kapuuno' intor ra kapaganan, am pinoloso kou makasia' ra kaansayan, am mija' muno nososok ra akanon.

RIMBAI PANGAMPARAN 1:4

Ribaki' noyo, ibito' aku no mabaya' rirun, iou raja' kuno, ibito' aku no ra lamin muno. Okou magibit ra akai maansukan, am mongompor ra laai muno moonsoi poyo ka wain; ginio sabap ra ruandu'-ruandu' malaai rirun.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 5:5

Gitio noyo baalon kuno ra umo ru anggur kuno: bubulon ku insor ra liput nano, am mamalunsai ra timbok nakasindung riso, am mopoloso ra bibiag masigo mongkotop riso am manginginjang riso.

JIRIMIA 16:14

Indagu Tuhan, “Masaboi paat no ra ulun kalo boo magibot ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra Misir.

JIRIMIA 2:2

mampatanou ra tanou ragitio ra ngaangai' ulun giu' ra Jirusalim, “Mamagun kau ru Israil, nakara' Ku ra mapara' boo gagaya' min paat ra akau lakat poyo mamulok, am mapara' boo gayo ru togom min Raki' paat ra akau nasauk ra ulun inuot ragili. Minaya' kau Raki' nansail ra tana' kaagisan, nansail ra tana' ondo' kolondo' poyo tinanaman.

JIRIMIA 45:4

Kaa' raino Aku, Tuhan, tatanga' mampalunsai ra atan ondo' binaal Kuno; tatanga' Aku mamubul ra atan ondo' tinanom Kuno. Baalon Ku ginio ra titikop ru tana' ti.

YEHEZKIEL 20:10

“Ibito' Ku boo ilo miningkual intor ra Misir minongoi ra tana' kaagisan.

YEHEZKIEL 20:33

“Sabap ra Aku, Tuhan Raja', i Aki Kapuuno' ondo' maayag, mampakara' Aku ramuyun ra sabap ru sangit Kuno, mamarinta Aku ramuyun ra mokotog am malasang. Makaliman kau ra kuasa' am sangit Kuno paat ra Aku manimung am magibit ramuyun sumaguli' intor ra pagun-pagun intok akau pinantutuliar.

GOSIA 2:3

Kalo makaasi' Aku ramuyun, anak-anak nano; akau inanak intor ra pantalanan ra inan.

MIKA 1:7

Pusoon Ku ngaangai' sinungkalalaing no, am moonong kuliamos ondo' longgom ru ulun mantalan ra inan giu' ra kuil pusoon ralalom ru apui. Ngaangai' sinungkalalaing nano masauk ra ginsamol. Naalapan ru Samaria ra ngaangai' kuliamos no koson ampos ru sumamba ra dewa kalabungan; raino pantula' nano piboo nagibit ra kuliamos-kuliamos no koson taakin ra ulun-ulun mantalan ra inan giu' ra kuil ru bokon.”

MIKA 4:10

Mamagun ru Jirusalim kau ngai', pambilor am pampalaa kano koson ra ruandu' ondo' tatanga' maganak, sabap raino mangiruan kau kalalaat ra bandar ti am mayan giu' ra padang. Mongoi kau kalalaat ra Babil, kaa' giu' no Tuhan mamayag ramuyun intor ra pantula'.

JUANIS 12:32

Paat ra Aku ti painsawaton intor ra tana', poongoyon Ku ngaangai' ulun Raki'.”

JUANIS 6:44

Kolondo' sangulun pana makaratong Raki', amon ru kalo kimaitin io ri Ama' ondo' nanusub Raki' i; am ulun no bayagon Ku paat ra Orou Pupus no.

PINAINTALANG 12:14

Kaa' ruandu' no inanian ruo kawo ru kanui maayo, pansiab io boo mongoi ra intok inaru' i riso, giu' ra tana' kaagisan. Alungin io ra giu' no koson minggalur ra kalaatan ru tambuakal no buoi talu ngambilor maintanga'.

PINAINTALANG 12:6

Pagiru' ruandu' no ra tana' kaagisan, ioginio intok ondo' pinatampos noyo ri Aki Kapuuno' no riso. Giu' no alungin ruandu' no buoi 1,260 ngoorou.

TINGGANAI RU BANSA' 19:3

sunuo' ru ulun ru Liwi no ruandu' parulug nano am kinam manimayo riso ra sumaguli' riso. Nagibit ulun ru Liwi no ra sangulun ulipon am ruo ngainan kaladai nabaya' riso. Pakasaboi ra giu' no, ibito' io ru ruandu' parulug nano ra ama' nano. Paat ama' ru ruandu' no nakakito ra ulun ru Liwi no, inuma' no io ra kaansukan,