GOSIA 2:13 - Tanou Moonsoi Timugon

¹³ Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

GOSIA 2:13 ပူးပေါင်းရင်းမြစ်များ

2 RAJA'-RAJA' 1:2

Paat ra sangarawan, Raja' Agajia intor ra Israil no naratu' intor ra langgar giu' ra tingkat rasawat ru istana nano giu' ra Samaria saboi napilatan raja' no ra masaran. Ginio ra nangator io ra kukula' ngaulun sinusub koson mangkuot ra Baal-Jibub, dewa ru ulun ru Palistin giu' ra bandar Ikron, mangimumui ru mapali' io kia kapoam kalo.

2 RAJA'-RAJA' 10:28

Ginio noyo ralan ru Raja' Jigu namuso ra sumamba ra Baal giu' ra Israil.

2 RAJA'-RAJA' 21:3

Binaal no saguli' intok-intok sumamba ra sinungkalalaing ondo' pinuso noyo ru ama' nali, Raja' Gijkia. Nambaal Raja' Manasi ra altar koson sumamba ra Baal am mambaal ra sinungkalalaing Dewi Asyira, koson ra ondo' binaal ru Raja' Agab, panguasa' ru Israil.

AYUP 8:13

Koson niayuk ra ulun ondo' kalo makaulig ri Aki Kapuuno'; kalansanan nilo matatak paat ilo makalilian ri Aki Kapuuno'.

MAZMUR 106:13

Kaa' mataki' ilo makalilian ra binaal ru Tuhan, atan ayuk baalon nilo kolondo' pinson intor Riso.

MAZMUR 106:21

Nalilianan nilo i Aki Kapuuno' ondo' namayag risilo, ondo' nambaal ra baal mangaayo giu' ra Misir.

MAZMUR 78:11

Nalilianan nilo ngaangai' binaal Nali, baal kaimuagan ra pinatalang Nali risilo.

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

JISAYA 17:10

Alii ra Israil, nalilianan mu i Aki Kapuuno' ondo' namayag rirun, am ondo' nanindung rirun koson ra gunung batu. Kaa' tinanaman mu umo-umo maantak koson ra dewa-dewa.

JISAYA 65:7

tula nilono am tula ru kinamatuaan nilono. Magasab ilo Raki' ra nonolob ra kaminyan tayar ru dewa-dewa giu' ra intok sambaan giu' ra bulur. Ginio ra mangukum Aku risilo nogondo' koson ra binaal nilo ra galing i.”

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 23:2

Gitio noyo ondo' pinaragu ru Tuhan, i Aki Kapuuno' ru Israil, intor ra ilo panguasa' ondo' sotopot no magalung ra ulun Nano, “Kalo inalungan min ulun Kuno; pinantutuliar min boo am pinagiru' min ilo. Raino ukumin Takamin sabap ra kalaatan min.

JIRIMIA 7:34

Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

SULABOI 1:4

Raino kolondo' sangulun pana matong ra Baloi ru Tuhan paat ra orou pangiantakan. Ralaa-ralaa ondo' marimbai ra giu' no maimbolo', am imam-imam mampalaa. Kulobon garabang ru bandar masiluk, am bandar Sion linibungan ru kangilukan.

SULABOI 5:14

Ulun matutuo kalo boo tumimung giu' ra kulobon garabang ru bandar, kamulakan ungkuyon kalo boo mangkuli ra miujik.

YEHEZKIEL 16:12

Inanian Tokou ra sinsing ra arung, anting-anting am karaun ondo' moonsoi.

YEHEZKIEL 16:17

Namakai kou ra mas am pirok ondo' pinataakan Kuno koson mambaal ra sinungkalalaing ru ungkuyon, am nansawa' kou ra sinungkalalaing no.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

YEHEZKIEL 23:35

Gitio noyo ragu ru Tuhan Raja', “Sabap ra nakalilian kono Raki' am niayuk nanalikur Raki', mansaan kou ra kaimbalaan kinibit ru guang malaai am kandoi mantalan ra inan muno.”

GOSIA 11:2

Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

GOSIA 13:1

Paat ra galing i paat ra bansa' ru Ipraim minindagu, bansa'-bansa' ra bokon giu' ra Israil malaa'. Mangurumat ilo kaga' ra Ipraim, kaa' raino bansa' ru Ipraim makatula. Sinamba nilo Baal, ginio ra matoi ilo.

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

GOSIA 2:5

Ginio ra manginsur Aku riso ra bulungkut makaruui am ampangin ralan nano ra timbok.

GOSIA 2:7

Kalo mangiou io ra Aku ondo' nangani' riso ra gandum, wain, umau jaitun am ngaangai' mas am pirok ondo' pinakai koson sumamba ra Baal.

GOSIA 4:13

Nampataak ilo ra taak simbalui giu' ra intok-intok sambaan ra sinungkalalaing giu' ra gunung. Sinolob nilo kaminyan giu' ra bulur, giu' ra saau ru puun-puun tataun makalu ondo' maawas raun sabap ra intok raginio masindungan. Kinibit nano anak-anak ruandu' min nasauk ra ruandu' mantalan ra inan, am anak-anak mangiwan ra ruandu' min nansasawa'.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

GOSIA 8:14

“Ulun ru Israil nambaal ra istana-istana, kaa' nalilianan nilo ondo' Namangun risilo. Ulun ru Jiuda nambaal ra bandar-bandar mokoondo' ra kubu, kaa' paratuon Ku apui koson monolob ra ngaangai' bandar am istana nilo.”

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

SAGULION 32:18

Nalilianan nilo i Aki Kapuuno', Mamamayag ondo' mapanggol, Nanaak Io risilo ra kaayagan.

SAGULION 6:12

pagilalain maa' raginio kalo malilianan min Tuhan ondo' nagibit ramuyun miningkual intor ra Misir, intok min inulipon ragili.

TINGGANAI RU BANSA' 10:6

Igondo' poyo ulun ru Israil makatula ra Tuhan. Sinamba nilo Baal am Asyitorit am niayuk dewa ru bansa' ru Siria, Sidon, Moab, Amon am Palistin. Nangiruan ilo ra Tuhan am kalo boo sumamba Riso.

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.

1 SAMUIL 12:9

Kaa' kalupus raginio linilianan nilo Tuhan, i Aki Kapuuno' nilono. Ginio sabap ra nopoloso Tuhan ra ulun ru Palistin, raja' ru pagun Moab, am i Sisira, iono panglima saujor ru bandar Gajor, namulunsar ra kinamatuaan mini am nangala risilo.