GOSIA 14:9 - Tanou Moonsoi Timugon

⁹ Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

GOSIA 14:9 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

AYUP 17:9

Ulun ondo' moonsoi am kolondo' sala, gumaai mangintopot ra i Aki Kapuuno' mangiou risilo.

MAZMUR 107:43

Gama' ru ulun mapintar mangkara' ra baal raginio, gama' ru karaan nilo togom ru Tuhan.

MAZMUR 119:128

Sabap raginio maya' aku ra nansalinut panusuban Muno; masisang aku ra baal ra kalo matanda'.

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 84:5

Mapara' piboo bansuk ru ulun ondo' minayan ra Baloi Muno, kalo langgain nilo rimbai mongompor Rirun.

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

AMSAL 10:29

Tuhan mangampin ra ulun mabanis guang, kaa' imboloon No ulun mambaal ra malaat.

AMSAL 16:21

Ulun mapintar omporon sabap ra kapintaran nano. Gumaai lomoi ru raguon nano, gumaai poyo intopoton ru ulun ragu nano.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

JISAYA 1:28

Kaa' pusoon No moonong ulun ra makatula am niayuk ulun gumuor Riso no. Potoyon No moonong ulun ondo' mangiruan Riso.

JISAYA 17:8

Kalo boo lumansan ilo ra altar-altar binaal nilo galama', kapoam lumansan ra kandoi ru kalindu' nilo galama', ioginio sinungkalalaing Dewi Asyira am altar-altar panalaban ra kaminyan.

JISAYA 26:7

Ralan ondo' binayaan ru ulun moonsoi no mabanis, sabap ra Okou, Tuhan, kinabanis Mu ginio risilo.

JIRIMIA 29:12

Bagu no gumolok kau Raki'. Matong kau koson makiasi' Raki' am taamon Ku pakiasian min.

JIRIMIA 9:12

Pangkuot aku, “Iou Tuhan, kua ra pagun ti nasauk ra kolondo' tutuu' am napua' koson ra tana' kaagisan, saboi kolondo' ulun mansail no? Osoi kia ondo' sama' pintar koson makarati' ra ngaangai' no? Osoi kinua' balain Muno intor ra baal ragitio maa' raginio makapambala' io ra ulun bokon?”

YEHEZKIEL 11:18

Paat ra ilo muli', musiti' ilo mamatir ra ngaangai' sinungkalalaing ondo' malaat am makauyuyu' no.

YEHEZKIEL 18:25

“Kaa' kamin, ‘Binaal ru Tuhan kalo matimpok.’ Rongog kano, akau ulun ru Israil. Indoson min ra kalo matimpok Aku? Akau no ondo' kalo matimpok.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

DANIL 12:10

Masuang ulun kinamin am kapasawon. Ulun malaat kalo makarati'; rumayus ilo mambaal ra kalaatan nilo. Ulun mapintar ayuk makarati'.

JIPANYA 3:5

Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

LUKAS 7:23

Pakaansuk noyo ulun ondo' pangintapatan nano Raki' kalo malawo!”

JUANIS 15:24

Amon ru kalo binaal Kuno ra saang nilo ondo' kalo igondo' baalo' ru ulun, kolondo' noyo tula nilo. Kaa' kabalu' pana nakakito ilo ra binaal Kuno, masisang ilo niayuk Raki' am Ama' Kuno.

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 8:47

Osoi ayuk intor ri Aki Kapuuno', mangkirongog ra ragu Nano. Kaa' akau sala' ka intor ri Aki Kapuuno', ginio sabap boo ra akau kalo mangkirongog Riso.”

JUANIS 9:39

Kon ri Jisus, “Aku minatong ra tana' ti mongoi pangakim, maa' raginio ulun noolou makakito am ulun makakito moolou boo.”

RINALATAN 13:10

am indagu, “Okou no anak ru Tingganai ru riwato! Okou pantula' ru ngaangai' moonsoi. Mototop kou ra ruung malaat am manumbalik kou ra pangilaan motopot intor ra Tuhan!

ROMA 7:12

Ginio ra Ukum ri Musa no intor ri Aki Kapuuno' am moonong susuban Nano mabanis am moonsoi.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!