GOSIA 14:8 - Tanou Moonsoi Timugon

⁸ Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

GOSIA 14:8 ပူးပေါင်းရင်းမြစ်များ

AYUP 34:32

Nakitaak kono kia ri Aki Kapuuno' manulu' ra kasalaan ondo' kalo napandayan muno? Nangiou kono kia mopolonggo' ra kalaatan raginio?

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

LUKAS 15:20

Io pana minuli' ra ama' nali. Lakat io ayuk poyo maalur ra baloi, nakito io noyo ru ama' nali. Makaasi' kaga' ama' nali saboi nasimbul uma' riso, ganggali' am alaki' no io.

JISAYA 55:13

Puun ru sipris sumuali ra karuuyan, tatanom ru bunga' sumuali ra bulungkut makaruui. Ginio masauk maa' raginio anggakon Aku; koson tatandu' mantilayun ra kalo matatak.”

JISAYA 41:19

Giu' ra tana' kaagisan patuwon Ku puun ru sidar, puun ru akasia, puun ru kemunting am puun ru jaitun. Tana' ra nalagas masauk ra kataunan puun ru pain, puun ru juniper, am puun ru sipris.

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

JUANIS 1:16

Sabap ra togom Nano ra maayo no, kalo lumonggo' Io mambarakat ritakau.

JISAYA 60:13

Tataun sipris, tataun juniper, am tataun pain, tataun ra moonsoi kaga' intor ra kataunan Libanon, ibiton koson manirong rirun, okou Jirusalim, koson mangindon ra Baloi Kuno am mapatulai ra bandar Kuno.

AYUP 33:27

Giu' boo ra saang ru ulun masuang mindagu io, ‘Makatula aku noyo. Makasala aku noyo, kaa' mangampun i Aki Kapuuno' raki'.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

YEHEZKIEL 17:23

gunung ondo' masawat kaga' ra Israil. Umbus no manampango am mangkawa', masauk boo ra puun tataun sidar ondo' moonsoi kaga'. Mansalinut susuit manabunsut ra giu' no, am sumindung ra saau nano.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.