GOSIA 14:3 - Tanou Moonsoi Timugon

³ Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 14:3 ပူးပေါင်းရင်းမြစ်များ

2 TUNUNG RU BANSA' ISRAIL 16:7

Paat raginio minuma' Nabi Ganani ra Raja' Asa am indagu, “Sabap ra okou liminansan ra raja' ru Siria am kalo liminansan ra Tuhan, i Aki Kapuuno' muno, nairu' boo kaluagan koson mangala ra saujor ru raja' ru Siria.

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 146:3

Pai' lansan ra kuasa' ru ulun, kolondo' sangulun pana makapamayag ramuyun.

MAZMUR 146:9

Sindungin No ulun suai ondo' minayan ra pagun takau; ngaangai' napuor am ilo ondo' nailusan ra matuo no indanganon No, kaa' pusoon No atangon ru ulun malaat.

MAZMUR 33:17

Kuda kalo malansanan koson mamanang ra mongoi pangayou; kaikangan ru kuda kalo makabayag.

MAZMUR 68:5

Rimbayi' noyo i Aki Kapuuno', omporo' noyo inggalan Nano; pabatango' noyo ralan ru Io ondo' sumiab maya' ra gaun. Inggalan Nano Tuhan – parikamo kano ra saang Nano!

JISAYA 1:29

Pansagulian guang mino ra akau sumamba ra puun ra tataun am manusub ra dewa-dewa koson magalung am mambarakat ra umo, maa' raginio makapaingkual ra ampos masuang.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

JISAYA 30:16

Kaa' mangatang kau koson magiru' intor ra pantula' am kumura' ra kuda ondo' maribok. Sotopot no akau musiti' no magiru'! Indoson min kuda mino maribok, kaa' ulun mangingilou ramuyun no poyo maribok!

JISAYA 30:2

Makiindangan ilo ra Misir kabalu' pana kalo iniou Ku. Sumindung ilo ra ragana' ru pamarintaan ru Misir. Ginio ra, lumansan ilo ra pangampinan ru raja' ru Misir.

JISAYA 31:1

Aibui boo ra ulun ondo' mongoi ra Misir koson makiindangan! Lumansan ilo ra kaikangan ru pulalai mangayou ru Misir ondo' kumura' ra kuda am kurita' kuda am saujor. Kaa' kalo lumansan ilo ra Tuhan, i Aki Kapuuno' ru Israil, i Aki Kapuuno' ondo' matulai kapoam makiindangan Riso.

JISAYA 31:3

Ulun ru Misir sala' ka tuhan; ilo ulun ayuk. Kuda nilono ondo' makapainawo ra lamuoi, sala' ka ambiluo ra makakuasa'. Bulintok ra Tuhan mamatas, bansa' ra maikang pana maratu', am bansa' ra lamuoi ondo' indanganon nilono pana maratu'. Karuo-ruo no mapuso.

JISAYA 36:8

Ralalom inggalan ru raja' Asyur makimantaru aku ramuyun. Manaak aku ramuyun ruo ngaribu ngainan kuda amon suang ru ulun mino koson raginio koson kumura' ra ngaangai kuda no!

JIRIMIA 49:11

Pataako' anak-anak min ra nailusan ra matuo no Raki' am Aku magalung risilo. Ulun-ulun napuor min pana makalansan Raki'.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

YEHEZKIEL 37:23

Kalo boo jamalin nilo inan nilo ra sumamba ra sinungkalalaing ondo' makauyuyu' kapoam mambaal ra tula. Palabuson Ku ilo intor ra ngaangai' ondo' mangkinibit risilo makatula am manumbalik Raki'. Kapasawon Ku ilo; masauk ilo boo ra ulun Kuno, am masauk Aku boo ri Aki Kapuuno' nilo.

GOSIA 12:1

Indagu Tuhan, “Liminibung bansa' ru Israil Raki' ra abau am ruung, am bansa' ru Jiuda lakat poyo gumuor Raki', i Aki Kapuuno' ondo' matulai am gumagaya'.

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

GOSIA 2:17

Paat raginio mambaal Aku ra nabantuan ra ngaangai' bibiag masigo am susuit, maa' raginio kalo rualin nilo ulun Kuno. Patirin Ku ngaangai' kinandoi ru pamulunsaran intor ra pagun no, ngaangai' ilang am busur, maa' raginio ulun Kuno maayag ra kaansayan.

GOSIA 4:12

Nakitulu' ilo intor ra rondo' tataun. Rondo' jujuga' nambala' risilo ra atan ondo' gumogot ilo makapandai. Nangiruan ilo Raki'. Koson ra sangulun ruandu' ondo' nasauk ra ruandu' mantalan ra inan, timinaak ilo ra inan ra tuhan-tuhan ra bokon.

GOSIA 5:13

Paat ra Israil am Jiuda makaliman ra baal nilo ondo' kalo moonsoi, mongoi Israil ra pagun Asyur koson makiindangan intor ra raja' ondo' matulai, kaa' raja' no kalo makapangindangan kapoam mamuna' ra baal nilo.

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

GOSIA 8:6

Sangulun manukang giu' ra Israil nambaal rondo' sinungkalalaing; sinungkalalaing no sala' ka i Aki Kapuuno'! Sinungkalalaing ru sapi' mas ondo' sambaan giu' ra Samaria no tutukon.

GOSIA 8:9

Ulun ru Israil mokotog guang koson ra kaladai masigo, manugut ilo ra kasagaan nilo galama'. Makiindangan ilo intor ra Asyur. Binayaran noyo ru Israil pagun-pagun ra bokon koson makiampin.

JUNUS 2:10

Kopongo raginio, ra susuban ru Tuhan, linuka' boo i Junus ru papait giu' ra lantur.

JAKARIA 13:2

Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.

JUANIS 14:18

Kalo manatang Aku ramuyun koson ra anak napatayan ra matuo. Kaa' sumaguli' Aku po ramuyun.

SAGULION 17:16

Kalo iowon raja' no mokoondo' ra pulalai mangkuda ondo' masuang kaga' no. Kalo iowon raja' no mangator ra ulun mongoi ra Misir mambali ra kuda, sabap ra minindagu noyo Tuhan ra kalo iowon ulun Nano sumaguli' ra Misir.