GOSIA 14:1 - Tanou Moonsoi Timugon

¹ Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”

GOSIA 14:1 ပူးပေါင်းရင်းမြစ်များ

2 RAJA'-RAJA' 8:12

Pangkuot i Gajail riso, “Kua kia pantangi' kou?” Taam i Ilisa, “Sabap ra makapandai aku ra baal malaat kaga' baalon muno ra ulun ru Israil. Solobon mu kubu-kubu nilo, mamatoi ra ulun mangamulok nilo ondo' moonsoi kaga', mampalamba' ra anak-anak nilo saboi matoi, am niayuk mangabu' ra tinai' ru ruandu'-ruandu' nilo ondo' maapang.”

JISAYA 19:22

Ukumin ru Tuhan ulun ru Misir, kaa' kalupus raginio mamabas Io risilo. Sumaguli' ilo Riso, am rongogon No pakiasian nilono am niayuk mamabas risilo.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 4:1

Indagu Tuhan, “Ulun ru Israil, amon ru masaga' kau sumaguli', saguli' kano Raki'. Amon ru gumagaya' kau Raki' am mamatir ra sinungkalalaing ondo' kasisangin Kuno,

SULABOI 5:16

Baal ra kaantakan ru guang mai kalio noyo. Raino ukumin akai sabap makatula.

YEHEZKIEL 16:46

“Maayo ruandu' muno iono Samaria giu' ra tampilon ralayo am pekan-pekan ra mamaar riso. Boborok ruandu' muno Sodom giu' ra tampilon rabugus am pekan-pekan ra mamaar riso.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

YEHEZKIEL 33:14

Maaru' lair nampakara' Aku ra ulun malaat ra matoi ilo. Kaa' amon ru lumonggo' ilo mambaal ra tula am mambaal ra atan ondo' moonsoi am motopot –

GOSIA 10:12

Indagu Aku, ‘Ukabo' tana' bagu ra tayar min galama', tiasi' ra sampug ru katimpakan, am kumoso' barakat ondo' inampos ru kinotopot ru togom min Raki'. Nasaboi paat no ra akau sumaguli' Raki', Tuhan min; matong Aku am mampasasar ra barakat ramuyun.’

GOSIA 12:6

I Aki Kapuuno' no Tuhan Ondo' Maayo Kaga' Kuasa'. Inggalan Nano Tuhan. Inggalan raginio noyo Io masaga' ra ulun sumambayang Riso.

GOSIA 12:8

Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.

GOSIA 13:9

Mamuso Aku ramuyun, ulun ru Israil kau! Osoi kia makapangindangan ramuyun?

GOSIA 4:8

Masauk kau ra langkaya' sabap ra tula ru ulun Kuno, am ginio ra akau masaga' risilo rumayus makatula.

GOSIA 5:5

Kinalimbau ru ulun ru Israil makito kaga' am nasauk ra inono' ru kasalaan nilo. Tula nilo nangkinibit risilo nakasaru am naratu', am bansa' ru Jiuda pana naratu' nakaaya' risilo.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

GOSIA 9:13

Iou Tuhan, nakakito aku ra anak-anak nilo ilowon am potoyon.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

AMOS 1:13

Indagu Tuhan, “Mamagun ru Amon ruruli' noyo makatula, ginio ra maaru' ukumin Ku ilo. Paat ilo mangayou koson mapalangka' ra wilayah, lapaan nilo tinai' ru ruandu'-ruandu' maapang giu' ra Giliad.