GOSIA 13:8 - Tanou Moonsoi Timugon

⁸ Bulunsaron Takamin koson ra baawang ondo' natatakan ra anak. Bibinsangon Takamin. Koson ra singa' saamon Takamin ra giu' no, am koson ra bibiag masigo bibinsangon Takamin.

GOSIA 13:8 ပူးပေါင်းရင်းမြစ်များ

2 SAMUIL 17:8

Okou nakapandai ra Raja' Daut am ulun-ulun nano tutumula' ondo' maikang ra baani. Ilo no koson ra kinasangit ru baawang ruandu' ondo' natatakan ra anak nano. Raja' Daut ti niayuk sangulun saujor makanailian, ondo' kalo igondo' pombolong ra rondom ti mabaya' ra ulun-ulun nano.

MAZMUR 50:22

Rongogo' min, akau ondo' mampalilian Raki', amon ru kalo, pusoon Takamin; am kolondo' sangulun pana makapamayag ramuyun no.

MAZMUR 80:13

Kua lunsayo' Mu insor? Ragino ulun mansail no makapantakou ra kawa' ru anggur nano.

AMSAL 17:12

Moonsoi poyo maguma' ra ina' ru baawang ondo' natatakan ra anak nano, ka maguma' ra ulun sasambungon ondo' masalok mambaal ra sambung nano.

JISAYA 5:29

Ngaangai' saujor nilono sumingangal koson ra singa' mansaam am mantangag ra akanon nano masimbul maa' raginio kolondo' osoi-osoi mampagaau ra akanon no.

JISAYA 56:9

Nanusub Tuhan ra bansa'-bansa' suai matong koson ra bibiag masigo ondo' mansaam ra ulun Nano.

JIRIMIA 12:9

Ulun pinili' Kuno koson ra sanginan susuit ondo' sinumbit ru sanginan kanui intor ra ngaangai' intok. Piawo' bibiag masigo koson maya' manaliir risilo.

JIRIMIA 25:38

Nangiruan Tuhan ra ulun Nano koson ra singa' nangiruan ra luang batu nano. Kalaatan ru pangayawan am sangit ru Tuhan nangulau ra pagun ti nasauk ra tana' kaagisan.

GOSIA 2:12

Ukumin Ku io sabap ra nakalilian io Raki'. Monolob io ra kaminyan tayar ru Baal, am malimpor io ra kuliamos mas koson mangilou ra ambai-ambai nano. Aku, Tuhan nakaindagu noyo.”

GOSIA 5:14

Koson ra sanginan singa', mamulunsar Aku ra bansa' ru Israil am bansa' ru Jiuda. Aku galama' maminsang risilo am mangiruan risilo. Ralaaton Ku ilo, am kolondo' sangulun pana makapamayag risilo.