GOSIA 13:2 - Tanou Moonsoi Timugon

² Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

GOSIA 13:2 ပူးပေါင်းရင်းမြစ်များ

1 RAJA'-RAJA' 19:18

Kaa' mamayag Aku ra tulu' ngaribu ngaulun giu' ra Israil, iono ilo ondo' gumagaya' Raki' am kalo poyo igondo' samba ra Baal, kapoam nangalok riso.”

2 TUNUNG RU BANSA' ISRAIL 28:13

Konilo, “Pai' ibito' ulun rinakop no ragiti. Makatula takano ra Tuhan, am tula takau sama' noyo gayo koson ukumin. Raino nambaal kau ra rondo' ondo' mamparuang ayuk ra kasalaan takau.”

2 TUNUNG RU BANSA' ISRAIL 33:23

Kaa' Raja' Amon kalo minggana' guang koson ra ama' nali am kalo siminaguli' ra Tuhan, mulu' poyo ra makatula io poyo intor ra ama' nali.

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

JISAYA 30:1

Tuhan minindagu, “Aibui boo ra nasuangan tingganai ru Jiuda, sabap minanggal ilo Raki'. Mambaal ilo ra inatangan-inatangan ondo' sala' ka inatangan Kuno, am inirot nilo nabantuan koson manggal ra kasagaan Kuno. Tumuntur-tuntur boo tula nilo.

JISAYA 44:11

Moonong ulun sumamba ra sinungkalalaing no tauyuon. Ulun nambaal ra sinungkalalaing no ulun ayuk toojo. Susubo' ilo paumaa' Raki'; maaru' ilo no malaa' am tauyuon.

JISAYA 45:20

Mindagu Tuhan, “Timung kano am pababaya' kano matong, akau noyo naayag ra ralalom ru nasuangan bansa'! Sasambungon noyo ulun-ulun ondo' saguguluyur mugar magibit ra sinungkalalaing ondo' binaal intor ra tataun, am makiasi' ra dewa-dewa no ondo' kalo makapamayag no.

JISAYA 46:6

Ulun mapaingkual ra mas intor ra katia' nano, am manimbang ra pirok ra timbangan. Mampagaji' io sangulun manukang ra mas koson mambaal ra sinungkalalaing, am sambaan no sinungkalalaing binaal nano.

JISAYA 46:8

Karaa' noyo baal ragitio, akau ulun makatula; karaa' noyo nansalinut ondo' binaal Kuno.

JIRIMIA 10:4

bungain boo ra mas am pirok. Tataun ondo' inukir no potolorogon ra paku' koson mamiot intor ra maaba'.

JIRIMIA 10:8

Ngaangai' ilo gigiison am sasambungon. Atan kia maalap nilo kaigigila' intor ra sinungkalalaing ondo' binaal intor ra tataun?

JIRIMIA 8:5

Kaa' kua ramuyun, ulun Kuno, nararayus nangiruan Raki' am kalo siminaguli' Raki'? Kua mapiot guut min ra sinungkalalaing min am marara' sumaguli' Raki'.

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

GOSIA 10:5

Mamagun ru bandar Samaria malaa' am nangulir sabap ra natatakan ra sapi' mas giu' ra Bitil. Ilo am imam-imam ondo' nangandoi ayuk ra sapi' mas mantangi'. Gumolok ilo paat ra katulayan ru sinungkalalaing no lumiot.

GOSIA 11:2

Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

GOSIA 11:6

Pangayawan lumumpa' ra bandar-bandar nilo, am kulobon garabang ru bandar lunsayon. Ulun Kuno pusoon sabap ra sinugut nilo kasagaan nilo galama'.

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 2:8

Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

GOSIA 4:17

Ulun ru Israil nabunduk guang ra sinungkalalaing. Ginio ra polosoon ilo.

GOSIA 8:4

“Ulun Kuno nampili' ra raja'-raja' ra kalo nangkuot ra pampaguangan Kuno. Nampili' ilo ra tingganai-tingganai ra kalo nakitaak ra pangiawan Kuno. Nangalap ilo ra mas am pirok am nambaal ra sinungkalalaing ondo' nangkinibit ra kapusaan nilo.

GOSIA 8:5

Masisang Aku ra sapi' mas ondo' sambaan ru mamagun ru bandar Samaria. Siminangit Aku kaga' risilo. Saboi sanggilan kia ilo marayus sumamba ra sinungkalalaing?

GOSIA 8:6

Sangulun manukang giu' ra Israil nambaal rondo' sinungkalalaing; sinungkalalaing no sala' ka i Aki Kapuuno'! Sinungkalalaing ru sapi' mas ondo' sambaan giu' ra Samaria no tutukon.

UNTABAN 32:14

Raino akau poyo masauk koson ra ama' mini, rondo' poyo sukor bagu ru ulun ondo' makatula. Maparatong kau poyo ra sangit ru Tuhan ra ulun ru Israil.

ROMA 11:4

Atan taaman Nano riso? Kon ri Aki Kapuuno', “Soroi Raki' tulu' ngaribu ngaulun ondo' kalo igondo' siminamba ra tuhan sinungkalalaing Baal.”

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano: