GOSIA 13:15 - Tanou Moonsoi Timugon

¹⁵ Kabalu' pana Israil langkaya' koson ra sakot ondo' malabung, atarin Ku angin sirangon ondo' malasu' intor ra tana' kaagisan am mampapua' ra tulubong am taur ru timug nano. Ngaangai' ondo' mokologo alapon intor riso.

GOSIA 13:15 ပူးပေါင်းရင်းမြစ်များ

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

YEHEZKIEL 17:10

Topot ra puun tataun no tinanom noyo, kaa' tumuu' kia puun tataun no am gumayo? kalo kia lumonot boo puun tataun no paat masiob ru angin sirangon? Kalo kia lumonot boo puun tataun no ra intok tinuwan nano?”

JIRIMIA 4:11

Masuku' paat no ra mamagun ru Jirusalim binalaan ra angin malasu' intor ra tana' kaagisan tatanga' sumiob mongoi risilo. Angin no sala' ka angin ondo' mapasiab ra apol,

KASAUKAN 49:22

“I Jusup koson ra sanginan kaladai masigo ra kiing ru taur, sanginan kaladai ra masigo ra kiing ru bulur.

KASAUKAN 41:52

Kono niayuk, “Nangani' i Aki Kapuuno' raki' ra anak giti ra pagun kaimbalaan kuti.” Ginio ra inggalani' no anak karuo nano i Ipraim.

NAGUM 2:9

Gaawo' noyo pirok! Gaawo' noyo mas! Nososok bandar ra masuang rapu'!

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

GOSIA 9:11

Kinaayo ru Israil mansiab lumiot koson ra susuit. Kalo boo makaalap ilo ra anak. Ruandu' nilo pana kalo boo maapang.

GOSIA 4:19

Ibiton ilo mugar koson siabin ru angin. Mokoowot ilo ra uyu' sabap ra taak-taak simbalui ondo' pinataak nilo ra dewa-dewa.

DANIL 11:8

Paat raginio muli' io ra Misir, ibiton no sinungkalalaing-sinungkalalaing ru dewa nilo, am niayuk kuliamos-kuliamos mas am pirok ondo' patimpokon koson ra dewa-dewa no. Buoi kukula' ngambilor kalo mamulunsar io ra Siria.

JIRIMIA 51:36

Ginio ra indagu Tuhan ra mamagun ru Jirusalim, “Tutunon Ku baal mino am mambalos ra pantula' mino ra binaal nilo ramuyun. Palasakon Ku puun-puun ru timug giu' ra Babilonia am mampalasak ra sungoi-sungoi no.

JIRIMIA 20:5

Polosoon Ku pantula' nilo manalingaau am magaut ra ngaangai' kalangkayaan ru bandar ti am niayuk ngaangai' rapu' longgom nano poongoyon ra Babilonia, am poyo rapu' tungkuson ru raja'-raja' ru Jiuda.

JISAYA 41:16

Ngaangai' no atapin min, am ngaangai' no masiob ru angin, am pantabuliason ru bagiu'. Akau pana maansukan sabap ra Aku i Aki Kapuuno' min; omporon min Aku, i Aki Kapuuno' ru Israil, i Aki Kapuuno' ondo' matulai.

JISAYA 17:13

Bansa'-bansa' jumalai koson ra kinulun maayo, kaa' i Aki Kapuuno' nongompong risilo, am nagiru' ilo mininggalur. Inanjung ilo koson ra apol giu' ra pipilon ru bulur ondo' masiob ru angin, am koson ra kaau ondo' masiob ru bagiu'.

JISAYA 14:21

Pangingguluan patalimpuunon noyo. Ngaangai' anak ru raja' ti matoi sabap ra tula ru kinamatuaan nilai. Kolondo' sangulun pana risilo makapamarinta ra tana' ti kapoam mambaal ra bandar-bandar.”

MAZMUR 109:13

Polosoon noyo ngaangai' papag nano mapuso, am inggalan nano lilianin ru anak-anak bagu.

MAZMUR 1:4

Kaa' ulun malaat no kalo koson raginio; ilo koson ra apol ondo' nasiob ru angin.

AYUP 18:16

Bakat nilo mapua' am kumulionjot, raan nilo lumonot am kumukus.

SAGULION 33:17

Mokoondo' i Jusup ra kaikangan ru sapi' gawayan, am sangau ru sapi' gawayan ru kataunan. Sangau nano papag ri Manasi ondo' riribu, am papag ri Ipraim ondo' kaaparan ribu. Ra ngaangai' ulun ti nanangau io ra bansa'-bansa', am napagiru' risilo saboi ra pompor ru tana' ti.”

KASAUKAN 48:19

Kaa' ansang ama' nano ri Jusup, “Nakapandai aku, anak kuno, nakapandai aku. Masauk niayuk papag ri Manasi no ra bansa' maayo. Kaa' boborok nati makakuasa' poyo ka intor riso, am papag nano masauk ra bansa' mangaayo.”

KASAUKAN 41:6

Kopongo raginio mokoondo' poyo rondo' tanggayan ondo' mokoondo' tulu' ngaumi gandum ra nangumpis am liminonot sabap ra siniob ru angin ru tana' kaagisan.

JISAYA 27:8

Mangukum Tuhan ra ulun Nano ioginio patirin ilo ra tana' suai. Manganjung Io risilo ra angin malaat intor ra sirangon.

JIRIMIA 4:12

kaa' bagiu' mapuor ondo' matong ra susuban ru Tuhan. Tuhan galama' ondo' mangukum ra ulun Nano.

JIRIMIA 51:1

Indagu Tuhan, “Tatanga' Aku mamparatong ra angin ondo' mamuso ra tampilon ru Babilonia am mamagun nano.

GOSIA 2:3

Kalo makaasi' Aku ramuyun, anak-anak nano; akau inanak intor ra pantalanan ra inan.

JUNUS 4:8

Pakasirang mato ru orou, namparatong i Aki Kapuuno' ra angin malasu' ondo' siminiob intor ra sirangon. Maar malausan i Junus sabap orou ondo' mapangit toojo koson ayuk monolob ra ulu nano. Ginio ra malawo boo guang nano am gumogot matoi, kono, “Moonsoi poyo matoi aku ka maayag!”

KASAUKAN 41:23

Kopongo raginio mokoondo' poyo rondo' tanggayan ondo' mokoondo' tulu' ngaumi gandum ra nangumpis am liminonot sabap ra siniob ru angin ru tana' kaagisan.