GOSIA 13:14 - Tanou Moonsoi Timugon

¹⁴ Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

GOSIA 13:14 ပူးပေါင်းရင်းမြစ်များ

AYUP 33:24

Malaikat no ra makaasi' mindagu ra, ‘Palabuso' io maa' raginio kalo mongoi io ra tana' ru ulun minatoi. Gitio noyo pamumuli' koson mampalabus riso.’

AYUP 41:22

Liog nano maikang kaga', saboi ulun makauma' riso no malaa'.

MAZMUR 16:10

sabap ra kalo polosoon Mu aku matoi; ulun ondo' tagamin Muno kalo polosoon Mu mapuso.

MAZMUR 30:3

Mampiau aku Rirun ra makiindangan, iou Tuhan, i Aki Kapuuno' kuno, am Okou namabas raki'.

MAZMUR 49:15

Koson ra domba, ilo inaru' ra potoyon, kapatayan no magagalung risilo. Ulun mabanis guang mampaala risilo, baangkai nilo mataki' mapasa'; pagun ru ulun minatoi masauk ra intok nilo.

MAZMUR 49:16

Kaa' i Aki Kapuuno' mamayag raki'; mapalabus Io raki' intor ra kuasa' ru kapatayan.

MAZMUR 71:20

Kapaganan kapoam imbolo' porotongon Mu raki', kaa' pasagulion Mu ikang kuno; painggaluron Mu aku intor ra lobong.

MAZMUR 86:13

Mapara' gayo ru togom Muno raki'; pinalabus Mu aku intor ra luang ru lobong.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 20:16

Polosoon noyo ulun nagibit ra tanou no koson ra bandar-bandar ondo' tinutuk ru Tuhan ra kalo makaasi'. Polosoon noyo io mokorongog ra golok marualan paat ra susuab ti, am golok mosongou ru pangayawan ra tanga' ru orou,

JIRIMIA 31:35

Pinaatang ru Tuhan mato ru orou koson mampasinda ra matawang, am pinaatang No bulan am butitin koson mampasinda ra rondom. Mangkinibit Io ra timug ru raat mangkinulun am gogolon, am inggalan Nano Tuhan Ondo' Maayo Kaga' Kuasa'.

YEHEZKIEL 37:9

Indagu i Aki Kapuuno' raki', “Okou ulun mapandai matoi, indagu ra ragu manala' ra angin. Raguo' ra Tuhan Raja' manusub ra angin maa' raginio matong intor ra moonong intok koson pasampuyon painawo ra ralalom ru inan-inan ti saboi maayag saguli'.”

GOSIA 6:2

Mopongo ruo kapoam talu ngoorou babason No itakau am maayag takau giu' ra saang Nano.

GOSIA 7:10

Kinalimbau ru ulun ru Israil makito toojo am nasauk ra inono' ru kasalaan nilo. Kabalu' pana ngaangai' nasauk noyo, kalo siminaguli' ilo Raki', Tuhan i Aki Kapuuno' nilo.

MALIAKI 3:6

“Aku noyo Tuhan; kalo makulau Aku. Ginio ra akau, papag ri Jakub, kalo pusoon ra malingon.

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

ROMA 11:15

Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

2 KORINTUS 5:4

Raino manguang takau sabap ra inan inayanan takau ra tana' ti mantipagon ritakau. Sala' ka masaga' takau manatang ra inan takau ra tana' ti, kaa' mompogogot takau toojo ra inan ru suruga' no, maa' raginio ondo' mapuso makulau ra kaayagan mantilayun.

PILIPI 3:21

Sabap ra paat ra ratangan saguli' Nano, inan takati ondo' malawo am mapuso ti, kulawon No sumauk ra baguon mogondo' koson Riso. Mabaal No ginio sabap ra Io mokoondo' ra kuasa' ondo' mapatinduku' ra ngaangai' no Riso.

1 TISALONIKA 4:14

Mangintopot takau ri Jisus minatoi am naayag saguli'. Mangintopot takau niayuk ra bayagon saguli' ri Aki Kapuuno' ulun namagatoi ondo' nangintopot ri Jisus, koson masisimpung ilo Riso.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

PINAINTALANG 20:13

Ulun minatoi giu' ra raat, intor ra Patayan kapoam giu' ra Nabalu; ngaangai' inukuman maya' ra binaal nilono.

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.

1 SAMUIL 15:29

I Aki Kapuuno' ondo' matulai, i Aki Kapuuno' ru Israil no kalo nagabau am kalo nangulau ra ginuang Nano, sabap ra Io sala' ka ulun.”