GOSIA 13:13 - Tanou Moonsoi Timugon

¹³ Israil mokoondo' ra kaluagan koson maayag, kaa' Israil sasambungon kaga' saboi kalo pinakai kaluagan raginio. Israil koson ra lalagang ondo' mamaar anakon kaa' marara' mingkual intor ra binunakan ru ina'.

GOSIA 13:13 ပူးပေါင်းရင်းမြစ်များ

2 RAJA'-RAJA' 19:3

Nanusub Raja' Gijkia risilo mampasaboi ra tanou ti ri Jisaya, “Orou raiti' orou kaimbalaan. Itakau inukum am tinauyu'. Itakau koson ra ruandu' ondo' matipaganak kaa' naagui kaga'.

MAZMUR 48:6

Makatigog ilo magilong ra bulur no, nalaa' ilo am nagiru'.

AMSAL 22:3

Ulun mapintar miliu ra makalalaa' amon ru makito no, kaa' ulun budu polosoon no inan nano malumpa' ru karaat am pansagulian guang nano ra tauli no.

JISAYA 13:8

Mangalaa' ilo am marualan koson ra ruandu' maganak, mototontong ilo ra guang malaa', am bulos nilono malia' sabap mauyu'.

JISAYA 21:3

Atan ondo' nakito kuno am norongog ralalom pinaintalang raki' makalalaa' am makaruol toojo; karualan raginio koson ra ruandu' maganak.

JISAYA 26:17

Iou Tuhan, Okou nangkinibit ramon giminolok marualan koson ra sangulun ruandu' maganak.

JISAYA 37:3

Nanusub Raja' Gijkia risilo mapasaboi ra tanou ragitio ri Jisaya: “Orou raiti' orou kaimbalaan. Inukum takau am tinauyu'. Itakau koson ra ruandu' ondo' matipaganak kaa' naagui kaga'.

JISAYA 66:9

Indoson min polosoon Ku ulun Kuno tinayon saboi maukop bulan, am kalo mataak anakon.” Tuhan minindagu noyo.

JIRIMIA 13:21

Atan kia raguon min paat ra ulun ondo' karaan min koson ra rangan, nampaala am niayuk nanguasa' ramuyun? Maaru' makaliman kau ra maruol koson ra ruandu' maganak.

JIRIMIA 22:23

Mayan kau ra kaansayan sabap ra liniputan ru lugu'-lugu' sidar ru Libanon, kaa' paat ra akau marualan, maimbolo' kau koson ra ruandu' ondo' maganak.”

JIRIMIA 30:6

Kinami' karaa' am imumuyi'! Makapaganak kia ungkuyon ra lalagang? Amon ru kalo, kua kakito Ku moonong ungkuyon mangabula' bulos am mampaguut ra tinai' nilo ra kalindu' koson ra ruandu' ondo' maganak?

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 49:24

Mamagun ru Damsyik kalo maikang am nagiru' noyo ra nalaa'. Marualan am maimbolo' ilo koson ra ruandu' ondo' maganak.

GOSIA 5:4

Kalaatan ondo' binaal ru ulun ru Israil mongompong risilo sumaguli' ri Aki Kapuuno'. Kinapit ilo kaga' ru sumamba ra sinungkalalaing, saboi kalo boo mangiou ilo ra Tuhan.

JUANIS 16:21

Paat ra sangulun ruandu' matipaganak, magalabo io sabap ra masaboi noyo maruol ru maganak nano. Kaa' maanak no ayuk lalagang no, maansukan io am kalo boo makara' no maruol nali sabap ra sangulun lalagang inanak noyo ra tana' ti.

JUANIS 5:4

Sabap ra sanganuan, tumuun malaikat ru Tuhan ra kulam no mampalinggan ra timug. Makalinggan timug no, ulun marualan ondo' makapagulu tumolop ra kulam mapali' intor ra atan ayuk pana maruol nali.]

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

2 KORINTUS 6:2

Kon ri Aki Kapuuno' ralalom Buuk Kitab, “Paat ra naaru' noyo, rinongog tokou, am ra io orou pamayagan, nangindangan Aku no rirun.” Rongogo' min, raino noyo paat inaru' no, am raiti' niayuk orou pamayagan!

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.