GOSIA 13:11 - Tanou Moonsoi Timugon

¹¹ Ralalom ru sangit Kuno inanian Takamin ra raja'-raja', kaa' ra guang malasu' Aku nangalap risilo mugar.

GOSIA 13:11 ပူးပေါင်းရင်းမြစ်များ

AMSAL 28:2

Amon ru bansa' gumuor, mangunguasa' nano masalok pagalig-galig; amon ru tingganai no mapandai am mapintar, pamarintaan nano maikang am mapanggol.

GOSIA 10:3

Kalo boo mabuoi mindagu ilo, “Kolondo' raja' takau sabap ra kalo malaa' takau ra Tuhan. Atan onong ru sangulun raja' ritakau?”

GOSIA 10:7

Raja' ru Samaria mapuso koson ra putul ru tataun ondo' naabas ru timug.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

GOSIA 8:4

“Ulun Kuno nampili' ra raja'-raja' ra kalo nangkuot ra pampaguangan Kuno. Nampili' ilo ra tingganai-tingganai ra kalo nakitaak ra pangiawan Kuno. Nangalap ilo ra mas am pirok am nambaal ra sinungkalalaing ondo' nangkinibit ra kapusaan nilo.

1 SAMUIL 10:17

Kopongo raginio piniau ri Samuil ngaangai' ulun ru Israil tumimung ra saang ru Tuhan giu' ra Mijpa.

1 SAMUIL 10:19

Aku noyo i Aki Kapuuno' min ondo' napalabus ramuyun intor ra ngaangai' kaimbalaan am kapaganan. Kaa' raino nangimpai kau Raki', i Aki Kapuuno' min, sabap ra nakipili' kau Raki' ra sangulun raja' min. Iou noyo, timung kano ra saang Kutu, Tuhan min, lumili' maya' ra bansa' mino.’ ”

1 SAMUIL 12:1

Kopongo raginio indagu i Samuil ra ngaangai' ulun ru Israil, “Sinugut ku noyo ngaangai' kinitaak mino. Nampili' aku noyo ra sangulun raja' koson mamarinta ramuyun.

1 SAMUIL 12:13

“Raino ti, mokoondo' kau ra sangulun raja' pinili' min galama'. Nakitaak kau ra sangulun raja', am nanaak noyo Tuhan no ramuyun ra raja'.

1 SAMUIL 15:26

Kaa' taam i Samuil, “Kalo masaga' aku maya' rirun. Nangimpai kou noyo ra susuban ru Tuhan, am raino nangimpai Io rirun koson raja' ru Israil.”

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”