GOSIA 13:10 - Tanou Moonsoi Timugon

¹⁰ Nakiani' kau ra raja' am tingganai, kaa' makapamayag ilo kia ra bansa' ti?

GOSIA 13:10 ပူးပေါင်းရင်းမြစ်များ

1 RAJA'-RAJA' 12:20

Paat ra ulun ru Israil nokorongog ra minuli' noyo i Jirobiam intor ra Misir, nangkimait ilo riso mongoi ra rondo' pantuuman ru mamagun, am nampalantik riso masauk ra raja' ru Israil. Bansa' ru Jiuda ayuk ondo' gumagaya' ra papag ru Raja' Daut.

2 RAJA'-RAJA' 17:4

Kaa' rondo' bulintok no, nangator Raja' Gosia ra kukula' ngaulun sinusub nano ra Raja' So, raja' ru Misir koson makiindangan riso. Kopongo raginio Raja' Gosia liminonggo' nambayar ra cukai kabilaran ra raja' ru Asyur. Kapandayi' ru Raja' Salmanisir ginio, rokopo' no Raja' Gosia am aputo' no ra lamin pangaputan.

MAZMUR 10:16

Tuhan raja' ra mantilayun, am ulun ondo' kalo makaulig Riso mapuso io intor ra pagun Nano.

MAZMUR 149:2

Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

MAZMUR 44:4

Kalo maalap nilo kakuasa' pagun ti ra ilang; kalo mamanang ilo ra kuasa' nilo galama', kaa' ra kuasa' am kaikangan am niayuk ratangan Muno, sabap ra Okou mangiou ra ulun Muno.

MAZMUR 74:12

Kaa' Okou noyo Raja' mai, iou Aki Kapuuno', intor poyo ra galing i; masalok Kou manaak ramon ra kamanangan ra pagun ti.

MAZMUR 89:18

Inanian Mu akai ra kamanangan maayo; sabap ra kinoonsoi Muno, pinasauk Mu atan ondo' gogoton mai.

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 43:15

Aku noyo Tuhan, i Aki Kapuuno' mino, i Aki Kapuuno' ondo' matulai. Aku noyo namangun ramuyun, akau Israil, Aku noyo raja' min.”

JIRIMIA 2:28

Ati kia sinungkalalaing dewa ondo' binaal min ni? Paat ra akau makakapaganan, pakibayag kau ra dewa-dewa no, amon ru totopot dewa no masaga'! Okou Jiuda, dewa muno masuang koson ra suang ru bandar mino!

JIRIMIA 8:19

Rongog no! Giu' ra titikop pagun morongog ku bansa' kutu mampalaa, “Kolondo' kia boo Tuhan giu' ra Sion? Ati kia raja' ru Sion raino?” Taam Tuhan, raja' nilo, “Kua singkualo' min sangit Kuno? Sumangit Aku sabap ra sinamba min sinungkalalaing min am kumuku' samba ra dewa-dewa ru bansa' bokon ondo' kolondo' noyo toojo onong.”

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

GOSIA 10:3

Kalo boo mabuoi mindagu ilo, “Kolondo' raja' takau sabap ra kalo malaa' takau ra Tuhan. Atan onong ru sangulun raja' ritakau?”

GOSIA 13:4

Indagu Tuhan, “Aku noyo Tuhan, i Aki Kapuuno' min ondo' naningganai noyo ramuyun miningkual intor ra Misir. Kolondo' i Aki Kapuuno' min kaa' Aku ayuk. Aku noyo rorondo' mamamayag ramuyun.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

GOSIA 7:7

Ralalom ru sangit, namatoi ilo ra tingganai-tingganai nilo. Raja'-raja' nilo pinatoi rondo' am rondo', kaa' kolondo' sangulun pana nakiasi' Raki' koson makiindangan.”

GOSIA 8:4

“Ulun Kuno nampili' ra raja'-raja' ra kalo nangkuot ra pampaguangan Kuno. Nampili' ilo ra tingganai-tingganai ra kalo nakitaak ra pangiawan Kuno. Nangalap ilo ra mas am pirok am nambaal ra sinungkalalaing ondo' nangkinibit ra kapusaan nilo.

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

1 SAMUIL 8:7

Indagu Tuhan riso, “Suguto' noyo ngaangai' ru kitaakon nilono. Sala' ka okou ondo' impayin nilono; sotopot no, Aku ti noyo raja' nilo ondo' impayin nilono.