GOSIA 12:8 - Tanou Moonsoi Timugon

⁸ Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.

GOSIA 12:8 ပူးပေါင်းရင်းမြစ်များ

MAZMUR 49:6

Kalo malaa' aku makauma' ra kapaganan, paat ra aku liniputan ru pantula',

MAZMUR 52:7

Ginio ra, i Aki Kapuuno' mamuso rirun ra sabuoi-buoi no; rokopon am ralaaton No okou intor ra baloi; pusoon No okou intor ra pagun ru ulun maayag.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

AMSAL 11:1

Masisang Tuhan ra ulun ondo' pakuan no ra timbangan kalo motopot, kaa' maansukan Io ra ulun ondo' motopot pakuan no ra timbangan.

AMSAL 30:12

Mokoondo' ulun mindagu ra ilo no matulai, sotopot no majamol kaga'.

AMSAL 30:20

Gitio noyo binaal ru sangulun andu' ondo' kalo gumagaya': Lumapau io, am mariu'. Kopongo raginio mindagu io, “Kolondo' atan-atan binaal kuno ondo' makasala!”

JIRIMIA 2:23

Ati kulaan kia okou mindagu ra kalo majamol kou, am ra okou kalo igondo' samba ra sinungkalalaing Baal? Ilai' ga binaal muno giu' ra limayak; makatula kou ra giu' no. Koson kou ra unta masigo ondo' makipaa', ondo' nagisimbul ra giu' am giti, kalo mororo',

JIRIMIA 2:35

lakat poyo mindagu kau, ‘Kolondo' sala kuno; maaru' kalo boo sumangit Tuhan raki'.’ Kaa' Aku, Tuhan mangukum ramuyun sabap ra marara' kau mangiou ra tula min.

JIRIMIA 5:27

Koson ilo ra ulun mamparakop ra susuit ondo' nanuang ra bulansat no ra susuit, sabap ra nanuang ilo ra baloi no ra kuliamos ondo' noowot ra namparuung. Koon raginio noyo nasauk ra ilo makakuasa' am liminangkaya',

YEHEZKIEL 28:5

Mapandai kou mantalan am magail maulian. Lumimbau kou sabap ra kalangkayaan muno!’

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

GOSIA 14:1

Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”

GOSIA 4:8

Masauk kau ra langkaya' sabap ra tula ru ulun Kuno, am ginio ra akau masaga' risilo rumayus makatula.

AMOS 8:5

Kamin, “Sanggilan kia maampus orou pangiantakan maa' raginio makapantalan takau poyo ra gandum? Mabuoi kaga' pangiantakan ti. Sanggilan kia sailan ru orou Sabat maa' raginio makapantalan takapo? Itakau pana makitaak ra masawat toojo logo. Pakayon takau panuku' am timbangan ondo' kalo motopot koson mamparuung ra ulun mambali.

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

JAKARIA 11:5

Ulun-ulun tatangan ra domba nanimbalui ra sampanon ru domba no kaa' kalo ukumin ilo; nantalan ilo ra kual ru domba no am indagu, ‘Koompor noyo Tuhan! Langkaya' akai!’ Magagalung-magagalung no kalo makaasi' ra domba tinambiag nilo.”

MALIAKI 2:17

Binaal min Tuhan nasuraan ra ragu-ragu min. Kaa' nangkuot kau, “Ati kulaan akai nambaal ra Tuhan nasuraan?” Mindagu ra, “Ngaangai' ulun ondo' nambaal ra malaat karaan ra moonsoi ru Tuhan Ondo' Maayo Kaga' Kuasa', am maansayan Io risilo.” Kapoam mangkuot ra, “Ati kia i Aki Kapuuno' ondo' karaan ra matimpok no?”

MALIAKI 3:13

Mindagu Tuhan, “Ragu-ragu min magasab kaga' Raki'. Kaa' mangkuot kau, ‘Atan kia ondo' raguon mai intor Rirun?’

LUKAS 10:29

Kaa' mangingila' ra Ukum ri Musa no masaga' mampakito ra io motopot. Pangkuot io, “Osoi ulun ra bokon ondo' tagamin kuno?”

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

LUKAS 16:13

Kolondo' sangulun ulipon pana makapangandoi ra ruo tuan. Amon ru koson raginio, tagamin no sangulun am kasisangin no sangulun, kapoam gagayaan no sangulun am kalo rongogon no sangulun. Koson niayuk ramuyun ra kalo makapangandoi kau toojo ri Aki Kapuuno' magampan maguyum ra kalangkayaan.”

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.