GOSIA 12:2 - Tanou Moonsoi Timugon

² Ngaangai' ondo' binaal ru ulun ru Israil intor ra susuab ti saboi ra mamai' ngaangai' no kolondo' onong, kaa' niayuk paliso no mamuso koson ra angin sirangon. Abau am kalaatan gumaai-gaai ra gino po ngai' nilo. Nambaal ilo ra nabantuan ra Asyur am niayuk nagibit ra umau giu' ra Misir koson ra tatandu' ru pabukatan.”

GOSIA 12:2 ပူးပေါင်းရင်းမြစ်များ

2 RAJA'-RAJA' 17:4

Kaa' rondo' bulintok no, nangator Raja' Gosia ra kukula' ngaulun sinusub nano ra Raja' So, raja' ru Misir koson makiindangan riso. Kopongo raginio Raja' Gosia liminonggo' nambayar ra cukai kabilaran ra raja' ru Asyur. Kapandayi' ru Raja' Salmanisir ginio, rokopo' no Raja' Gosia am aputo' no ra lamin pangaputan.

AYUP 15:2

“Ragu kolondo' onong, Ayup! Kolondo' onong ru raguon muno!

MAZMUR 78:36

Kaa' ngaangai' ragu nilono abau ayuk, am ngaangai' pinaragu nilono abau ayuk toojo.

MAMPATANOU 5:15

Baal ragitio kalo natimpok. Inugaran takau koson ra itakau minatong. Gumogot takau koson mangilou ra angin am atan nua' ampos nano?

JISAYA 10:12

Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 24:21

Bulintok nano masuku' paat ra Tuhan mangukum risilo ondo' manguasa' ra limbowon am raja'-raja' ru tana' ti.

JISAYA 3:11

Kaa' alii boo ra ulun malaat! Atan pinamakuan nilo ra ulun bokon, ginio niayuk pamakuan risilo.

JISAYA 30:6

Ginio noyo tanou ri Aki Kapuuno' intor ra bibiag giu' ra tampilon ra rabugus, “Duta-duta minugar nansail ra pagun ondo' makalalaa', ondo' inayanan ru singa', kukuo mabisa', am tambuakal ra mapandai mansiab. Kaladai am unta napasakayan nilo ra tangguang ondo' mologo koson pataakin nilo ra bansa' ondo' kalo makapangindangan risilo.

JISAYA 59:18

Ukumin Nano pantula' Nano sumugut ra binaal nilo, makaaya' niayuk ulun ondo' minayan ra pagun-pagun maalur.

JIRIMIA 25:31

saboi ra pompor ru tana' ti bolos Nano mamintanou. Pinatalang ru Tuhan baal no ra bansa'-bansa'. Mangakim ilo ra ngaangai' ulun am mamuso ra ulun malaat. Tuhan nakaindagu noyo.’ ”

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 4:9

Mansaan kau ra ukuman koson risilo. Mangukum Aku ramuyun nogondo' ra kalaatan ondo' binaal min.

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

GOSIA 7:2

Kalo igondo' ra pangkaran nilo ra mangkara' Aku ra ngaangai' binaal malaat no. Linibungan ilo ru tula saboi makito Ku toojo.”

GOSIA 8:10

Kaa' raino timungon Ku ilo am mangukum risilo. Kalo boo mabuoi maimbolo' ilo paat ra raja' ru Asyur mangimbolo' risilo.

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

GOSIA 8:9

Ulun ru Israil mokotog guang koson ra kaladai masigo, manugut ilo ra kasagaan nilo galama'. Makiindangan ilo intor ra Asyur. Binayaran noyo ru Israil pagun-pagun ra bokon koson makiampin.

GOSIA 9:15

Indagu Tuhan, “Ngaangai' kalaatan nilo timinalimpuun giu' ra Gilgal. Giu' no Aku timinalimpuun masisang risilo. Pinagiru' Ku ilo intor ra pagun Kuno sabap ra kalaatan ondo' binaal nilo. Kalo boo motogom Aku risilo. Ngaangai' tingganai nilo giminuor Raki'.

GOSIA 9:9

Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

AMOS 2:4

Indagu Tuhan, “Mamagun ru Jiuda ruruli' noyo makatula, sabap raginio maaru' ukumin Ku ilo. Inanggal nilo susuban Kuno am kalo mampalio ra pangilaan Kuno. Pinalayau ilo ru tuhan-tuhan ra bokon ondo' sambaan ru kinamatuaan nilo.

MIKA 6:2

Gunung kau ngai', puun ru tana' ondo' mantilayun, rongogo' noyo ondo' pabalaan ru Tuhan! Tuhan mokoondo' ra baal ra ulun Nano am magibit Io ra panguwan ra Israil.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

ROMA 2:6

Sabap ra moonong ulun balasin ri Aki Kapuuno' maya' ra binaal nano.

GALATIA 6:7

Pai' kano miruruung. Kolondo' sangulun pana makapamparuung ri Aki Kapuuno'. Ondo' tonomon ru sasangulun, ginio niayuk kumoson nano.