GOSIA 12:13 - Tanou Moonsoi Timugon

¹³ Kinamatuaan takau, i Jakub, nagiru' ayuk kalalaat giu' ra pagun Misopotamia. Giu' no nangandoi io ra ulun bokon koson magagalung ra domba koson mokoowot ra andu'.

GOSIA 12:13 ပူးပေါင်းရင်းမြစ်များ

KASAUKAN 28:2

Tampos no, ongoi no ra pagun ru Misopotamia, ra baloi ru aki muno i Bituil, am panangandu' noyo ra sangulun anak ralaa ri Laban kamaman muli.

KASAUKAN 29:20

Pangandoi boo i Jakub buoi tulu' ngambilor koson manangandu' ri Ragil, am buoi ru ginio ra pamaguangan ri Jakub koson kukula' ngoorou ayuk sabap ra laai no ri Ragil.

MAZMUR 77:20

Mugar Kou maya' ra kinulun ru raat, lumaup Kou ra raat ondo' malandom, kaa' kalo makito baya' ru kalayam Muno.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 14:19

Malaikat ri Aki Kapuuno' ondo' soroi ra saang ru saujor Israil manding ra tinaulian. Lugu' ru gaun soroi ra saang nilo niayuk manding

GOSIA 11:1

Indagu Tuhan, “Motogom Aku ri Israil intor ra io lakat poyo boborok; Piawon Ku anak Kuno mingkual intor ra Misir.

GOSIA 2:15

Sabiton no boo Aku ra ralaki nano, am sala' ka boo Baal nano.

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

UNTABAN 12:8

Ginio ra minindagu Aku riso ra mantaluma', sailon toojo am sala' ka misunggait; am nakakito io noyo ra baal Kuno. Kua kia baani kau manggal ri Musa, ulipon Kuno?”

SAGULION 26:5

Giu' boo ra saang ru Tuhan i Aki Kapuuno' min, akau musiti' mindagu ra ragu ragitio: ‘Kinamatuaan kuli sangulun Aram ondo' timinanggau. Nagibit io ra sasambaloi nano minongoi ra Misir am minayan ra giu' koson ulun bansa' ru bokon. Paat ra ilo minongoi ra giu' no, sanganu suang nilo, kaa' nasauk ilo boo ra rondo' bansa' ondo' maayo am maikang.

1 SAMUIL 12:8

Paat ri Jakub am sasambaloi nano minongoi ra Misir, am paat ra ulun ru Misir nangimbolo' risilo, kinamatuaan nilai nampiau nakiindangan ra Tuhan. Ginio ra nanusub Tuhan ri Musa am i Arun koson naningganai risilo miningkual intor ra Misir, am niayuk nangindangan risilo liminayun ra pagun ragitio.