GOSIA 11:9 - Tanou Moonsoi Timugon

⁹ Kalo mangukum Aku ramuyun paat ra Aku sumangit; Kalo boo mamuso Aku ra Israil, sabap Aku ti i Aki Kapuuno' am sala' ka ulun. Aku, Ondo' Matulai Kaga' mabaya' ramuyun, kalo boo sumangit Aku ramuyun.”

GOSIA 11:9 ပူးပေါင်းရင်းမြစ်များ

2 SAMUIL 20:10

Kalo nakito ri Amasa ilang ra kalindu' pamiris ri Joab. Pulali' ri Joab nopotobok ra ilang no ra tinai' ti Amasa saboi suang ru tinai' no nayayar ra tana'. I Joab kalo pana monobok riso poyo sabap ra minatoi i Amasa ra nagaras. Kopongo raginio i Joab am boborok nano i Abisai narayus nangilou ri Siba.

MAZMUR 46:5

Mokoondo' santaun sungoi ondo' mapabansuk ra bandar ri Aki Kapuuno', intokon ri Aki Kapuuno' Ondo' Masawat Kaga'.

MAZMUR 78:38

Kaa' makaasi' i Aki Kapuuno' ra ulun Nano. Ampunon No tula nilono am kalo mamuso risilo. Masalok Io mongorot ra sangit Nano, am kalo paabuson no sangit Nano.

MAZMUR 85:4

Kalo boo sumangit Kou risilo, am inorot Mu sangit Muno ra bibilak no.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 31:1

Aibui boo ra ulun ondo' mongoi ra Misir koson makiindangan! Lumansan ilo ra kaikangan ru pulalai mangayou ru Misir ondo' kumura' ra kuda am kurita' kuda am saujor. Kaa' kalo lumansan ilo ra Tuhan, i Aki Kapuuno' ru Israil, i Aki Kapuuno' ondo' matulai kapoam makiindangan Riso.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 41:16

Ngaangai' no atapin min, am ngaangai' no masiob ru angin, am pantabuliason ru bagiu'. Akau pana maansukan sabap ra Aku i Aki Kapuuno' min; omporon min Aku, i Aki Kapuuno' ru Israil, i Aki Kapuuno' ondo' matulai.

JISAYA 48:9

Oroton Ku ayuk sangit Kuno, maa' raginio ulun mongompor ra inggalan Kuno. Oroton Ku ayuk sangit Kuno, maa' raginio kalo potoyon kau.

JISAYA 5:24

Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.

JIRIMIA 26:3

Maaru' bansa' no masaga' rumongog, am lumonggo' boo mambaal ra malaat. Amon ru koon raginio, kalo suguton Ku inatangan Kuno. Kalo pusoon Ku ilo sabap ra binaal malaat nilo.”

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

GOSIA 12:1

Indagu Tuhan, “Liminibung bansa' ru Israil Raki' ra abau am ruung, am bansa' ru Jiuda lakat poyo gumuor Raki', i Aki Kapuuno' ondo' matulai am gumagaya'.

GOSIA 14:4

Pagun ru Asyur kalo makabayag ramon. Kurita' kuda pana kalo makapanindung ramon. Kalo boo mindagu akai ra sinungkalalaing-sinungkalalaing raginio i Aki Kapuuno' mai. Iou Tuhan, makaasi' Kou ra ulun ondo' kolondo' osoi pana lansanin.”

MALIAKI 3:6

“Aku noyo Tuhan; kalo makulau Aku. Ginio ra akau, papag ri Jakub, kalo pusoon ra malingon.

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

1 SAMUIL 26:8

Kon ri Abisai no ri Daut, “Pinataak noyo ri Aki Kapuuno' no pantula' muno rirun ra rondom raiti'. Iowo' aku ti mapatura' ra tutura' nano galama' ra inan nano saboi makaujak ra tana'. Aku ondo' mamatoi riso ra igondo' tura' ayuk, kalo pana saboi induo!”