GOSIA 11:8 - Tanou Moonsoi Timugon

⁸ Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

GOSIA 11:8 ပူးပေါင်းရင်းမြစ်များ

KASAUKAN 14:8

Kopongo raginio raja' ondo' intor ra Sodom, Gomora, Adma, Jiboim am Bila napatampos ra suang ru saujor nilo ra Limayak Sidim,

2 SAMUIL 24:16

Malaikat ru Tuhan nakasaboi noyo ra intok pangagikan ra gandum longgom ri Arauna, ulun ru Jibusi. Paat ra Tuhan nakakito ra nakatampos noyo malaikat no mamuso ra Jirusalim, kulawo' ru Tuhan kapatasan Nano koson mangukum ra ulun raginio. Indagu Io ra malaikat ondo' tatanga' mamatoi ra ulun raginio, “Sama'! Langgai'!”

1 RAJA'-RAJA' 3:26

Norongog susuban raginio, ina' toojo ru anak no minindagu, “Ampun raja' kuno, pai' potoyo' anak no! Pataako' anak no ra ruandu' ti!” Rinagu ru ina' no ginio sabap ra motogom io kaga' ra anak nano. Kaa' indagu ruandu' ra sangulun no poyo, “Kalo pana taakin anak no ra osoi pana; putulo' noyo anak ti.”

2 RAJA'-RAJA' 13:23

Kaa' moonsoi guang ru Tuhan ra ulun ru Israil am makaasi' Io risilo. Kalo mopoloso Io ra ulun ru Israil pusoon. Mangindangan Io risilo sabap ra nabantuan Nano am i Abragam, i Isak am i Jakub. Kalo igondo' Tuhan nampalilian ra ulun Nano.

2 TUNUNG RU BANSA' ISRAIL 36:15

Buoi ru ginio Tuhan, i Aki Kapuuno' ru kinamatuaan nilo, nararayus nanusub ra nabi koson mampakara' ra ulun Nano, sabap ra masaga' Io mamayag risilo am Baloi ru Tuhan.

MAZMUR 106:45

Koson ra kaansayan nilo, karaan No nabantuan Nano, sabap ra togom Nano ra maayo, monogom Io risilo.

JISAYA 16:11

Mangiluk guang kuno magilong ra babaal ru Moab am Kir-Giris.

JISAYA 63:15

Iou Tuhan, indukui' akai no intor ra suruga', intok inayanan Muno ondo' mapasau am matulai. Ati boo togom am katulayan Muno? Ati boo togom am kaasian Muli? Pai' oroto' ginio ngaangai' ramon.

JIRIMIA 18:8

kaa' bansa' no pana tumalikur intor ra malaat, am Aku pana mampalugut ra baalon Kuno.

JIRIMIA 3:12

Nanusub Tuhan raki' mongoi pampasaboi ra baal ragitio ri Israil, “Israil ondo' kalo gumagaya', saguli' no Raki'. Makaasi' Aku kaga' am kalo sumangit; kalo sumangit Aku rirun ra sabuoi-buoi no.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 42:10

‘Amon ru masaga' kau mamagun ra pagun ti, pasingkoton Takamin am kalo mamuso ramuyun. Potolorogon Takamin am kalo mamparanga' ramuyun. Kapusaan ondo' palumpaan Kuno ramuyun mangkinibit Raki' mangiluk kaga' guang.

JIRIMIA 9:7

Ginio ra indagu Tuhan Ondo' Maayo Kaga' Kuasa', “Koson ra ulun mamasau ra basi', ulun Kuno kinamin Ku, maa' raginio masauk ilo ra mapasau. Atan poyo maalap Ku kabaal ra ulun Kuno ondo' nambaal noyo ra kalaatan?

SULABOI 1:20

“Iou Tuhan, ilai' kaimbalaan kuno am kinapagon ru guang kuno. Guang kuno natutuk sabap ra tula kuno ragili. Pampatayan masauk giu' ra ralan maayo, kaa' niayuk giu' ra ralalom ru baloi pana mokoondo' patayan.

SULABOI 3:32

Kabalu' pana porotongon No kaimbalaan ritakau, magulayun Io motogom ritakau ra togom ondo' kolondo' polos.

SULABOI 3:33

Kalo masaga' Io mangkinibit ritakau maimbolo' am mangiluk.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

GOSIA 6:4

Kaa' indagu Tuhan, “Akau Israil am Jiuda, atan kia ondo' musiti' Kuno baalon ramuyun? Togom min Raki' mataki' lumiot koson ra makagaun kapoam bolobou bulintok ra mokorondom ra susuab ti.

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

AMOS 7:3

Nangulau Tuhan ra guang Nano am indagu, “Baal ondo' nakito mino kalo masauk.”

AMOS 7:6

Nangulau Tuhan ra guang Nano poyo am indagu, “Baal ragitio pana kalo masauk.”

MIKA 5:3

Pakasuku' panguasa' no, mamarinta io ra mamagun nano mabaya' ra kaikangan am kuasa' intor ra Tuhan, i Aki Kapuuno' galama'. Mamagun nano maayag ra makakaansayan sabap ra ngaangai' bansa' ra tana' ti mangiou ra katulayan nano,

JIPANYA 2:9

Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

MATIUS 23:37

“Mamagun ru Jirusalim! Namatoi kau ra nabi-nabi am binobol min ulun-ulun ondo' sinusub ri Aki Kapuuno'! Ingkula' noyo Aku masaga' mangampin ramuyun, koson ra manuk puunan mampagupu' ra gogol ra kawo nano, kaa' akau marara'.

SAGULION 29:22

“Paat ra orou matong, papag min am ulun bansa' ru bokon intor ra pagun mangaalur makakito ra karaat am kaimbalaan ondo' porotongon ru Tuhan ra tana' min.

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

SAGULION 32:36

Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.

2 PITRUS 2:6

Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

PINAINTALANG 11:8

Baangkai nilono makalampik ra ralan ru bandar maayo, ioginio nanalipan ra Tuhan nilono. Pagabigan ra bandar raginio Sodom kapoam Misir.

PINAINTALANG 18:18

Paat ra nakito nilo lisun ru apui ondo' monolob ra bandar no, golok ilo, konilo, “Kolondo' bandar ra bokon koson ra bandar ondo' maayo ti!”

TINGGANAI RU BANSA' 10:16

Ilo pana namatir ra ngaangai' sinungkalalaing, am samba ra Tuhan. Io pana mangiluk nakakito ra kapaganan ondo' mailian ru ulun ru Israil.