GOSIA 11:5 - Tanou Moonsoi Timugon

⁵ “Marara' ilo sumaguli' Raki'. Ginio ra musiti' ilo sumaguli' ra Misir, am bansa' ru Asyur mamarinta risilo.

GOSIA 11:5 ပူးပေါင်းရင်းမြစ်များ

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

GOSIA 10:6

Sinungkalalaing no ibiton giu' ra Asyur koson pataakon ra raja' ondo' matulai. Israil asabin am tauyuon sabap ra bilin ondo' binaya' nano.

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

AMOS 5:27

paat ra Aku mamatir ramuyun giu' ra rondo' pagun ondo' maalur poyo intor ra Damsyik.” Gini noyo ragu ru Tuhan ondo' inggalan no i Aki Kapuuno' Ondo' Maayo Kaga' Kuasa'.

AMOS 4:6

“Aku noyo ondo' namparatong ra bitilan ra ngaangai' ru bandar min, kaa' kalo siminaguli' kau Raki'.

GOSIA 9:6

Paat ra karaat makasaboi am mamagun nantutuliar, ulun ru Misir manimung ramuyun koson potoyon am koson lobongon giu' ra Mimpis! Rapu' mino intor ra pirok am tana' ru baloi min ragili malungkutan ru sakot am bulungkut makaruui.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

GOSIA 5:13

Paat ra Israil am Jiuda makaliman ra baal nilo ondo' kalo moonsoi, mongoi Israil ra pagun Asyur koson makiindangan intor ra raja' ondo' matulai, kaa' raja' no kalo makapangindangan kapoam mamuna' ra baal nilo.

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 15:19

Paat ra Raja' Pul, raja' ru Asyur namulunsar ra Israil, nangani' Raja' Minagim ra Raja' Pul ra 34,000 ngakilogram pirok maa' raginio mangindangan io mapaikang ra kuasa' ru Raja' Minagim giu' ra Israil.

SAGULION 17:16

Kalo iowon raja' no mokoondo' ra pulalai mangkuda ondo' masuang kaga' no. Kalo iowon raja' no mangator ra ulun mongoi ra Misir mambali ra kuda, sabap ra minindagu noyo Tuhan ra kalo iowon ulun Nano sumaguli' ra Misir.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.