GOSIA 11:3 - Tanou Moonsoi Timugon

³ Sotopot no Aku noyo ondo' nangila' ri Israil mugar. Ganggalin Ku ulun Kuno ra togom; magalung Aku risilo kaa' marara' ilo mangiou raginio.

GOSIA 11:3 ပူးပေါင်းရင်းမြစ်များ

MAZMUR 107:20

Babason No ilo ra ragu Nano, am kalo polosoon No ilo matoi.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 19:4

“Nakito min atan ondo' binaal Kuno ra ulun ru Misir, ati kulaan Aku nagibit ramuyun Raki' ra intok ragitio, koson sanginan kanui ondo' nagibit ra anak nano ra kawo nano.

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

JISAYA 1:2

Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JISAYA 46:3

“Rongogo' Aku no, akau papag ri Jakub, akau ngaangai' ondo' ulun Kuno ra naayag. Aku nagalung ramuyun intor poyo ra akau inanak.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

JIRIMIA 30:17

Kabalu' pana mindagu pantula' min, ‘Sion pinatiran noyo, am kolondo' mampalio riso,’ kaa' akau paligagon Ku saguli', am pilat min kapalion Ku.”

JIRIMIA 8:22

Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

GOSIA 14:4

Pagun ru Asyur kalo makabayag ramon. Kurita' kuda pana kalo makapanindung ramon. Kalo boo mindagu akai ra sinungkalalaing-sinungkalalaing raginio i Aki Kapuuno' mai. Iou Tuhan, makaasi' Kou ra ulun ondo' kolondo' osoi pana lansanin.”

GOSIA 2:8

Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

GOSIA 7:15

Kabalu' pana Aku nampasukor am nampaikang risilo, kaa' nangatang ilo ra malaat minanggal Raki'.

RINALATAN 13:18

Buoi ru apat ngoopor ngambilor nokoorot Io risilo giu' ra tana' kaagisan.

SAGULION 1:31

am giu' ra tana' kaagisan. Nakakito kau noyo Riso naningganai ramuyun ra matanda' buoi ra pangkiralanan mongoi ra intok ragitio, koson ra sangulun ama' nagiba' ra anak nano.’

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.