GOSIA 11:2 - Tanou Moonsoi Timugon

² Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

GOSIA 11:2 ပူးပေါင်းရင်းမြစ်များ

1 RAJA'-RAJA' 12:33

Paat ra orou koopor am limo ra sila' kabalu', orou ondo' inaru' nano galama', minongoi io ra Bitil koson mampataak ra taak simbalui giu' ra rasawat ru altar, koson mangiantak ra pangiantakan ondo' inaru' nano ra tayar ru ulun ru Israil.

1 RAJA'-RAJA' 18:19

Raino susubo' noyo ngaangai' ulun ru Israil koson tumuum raki' giu' ra Gunung Karmil. Ibito' apat ngaatus ngaulun nabi ru Baal am apat ngaatus ngaulun nabi ru Dewi Asyira ondo' tinampilanan ru Raja' Ruandu' Ijibil.”

NIGIMIA 9:30

Bilor ka bilor, nabaya' ra orot nampakara' Kou risilo. Ambiluo Muno mindagu-dagu risilo ondo' pinabala' galing ra nabi-nabi Muli, kaa' sinilong ru ulun Muno talingo. Ginio ra nompoloso Kou risilo kinala ru bansa'-bansa' ra bokon.

JISAYA 65:7

tula nilono am tula ru kinamatuaan nilono. Magasab ilo Raki' ra nonolob ra kaminyan tayar ru dewa-dewa giu' ra intok sambaan giu' ra bulur. Ginio ra mangukum Aku risilo nogondo' koson ra binaal nilo ra galing i.”

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 44:5

Kaa' marara' kau mangkirongog kapoam mampalio raginio. Marara' kau manatang ra baal malaat; rinayus min mampataak ra taak simbalui ra dewa-dewa.

GOSIA 11:7

Totopot ilo masaga' mangiruan Raki'. Mampalaa ilo makiindangan sabap ra inimbolo', kaa' kolondo' osoi pana mampalabus risilo.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

GOSIA 4:13

Nampataak ilo ra taak simbalui giu' ra intok-intok sambaan ra sinungkalalaing giu' ra gunung. Sinolob nilo kaminyan giu' ra bulur, giu' ra saau ru puun-puun tataun makalu ondo' maawas raun sabap ra intok raginio masindungan. Kinibit nano anak-anak ruandu' min nasauk ra ruandu' mantalan ra inan, am anak-anak mangiwan ra ruandu' min nansasawa'.

GOSIA 4:17

Ulun ru Israil nabunduk guang ra sinungkalalaing. Ginio ra polosoon ilo.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

JAKARIA 7:11

Kaa' ulun Kuno mokotog ulu am marara' rumongog ra susuban Kuno; silongon nilo talingo maa' raginio kalo mokorongog.

LUKAS 13:34

Jirusalim, Jirusalim! Namatoi kou ra nabi-nabi am binobol mu ra batu ulun ondo' sinusub ri Aki Kapuuno' mongoi rirun! Ingkula' Aku noyo masaga' mampalulur ra ngaangai' mamagun muno, koson ra sanginan manuk puunan mampagupu' ra gogol nano ra kawo nano, kaa' marara' kou!

JUANIS 3:19

Gitio noyo ukuman ti: sinda no nakaratong noyo ra tana' ti, kaa' ulun masaga' poyo ra kalandaman intor ra sinda sabap ra ondo' baalon nilai malaat.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

TINGGANAI RU BANSA' 10:6

Igondo' poyo ulun ru Israil makatula ra Tuhan. Sinamba nilo Baal am Asyitorit am niayuk dewa ru bansa' ru Siria, Sidon, Moab, Amon am Palistin. Nangiruan ilo ra Tuhan am kalo boo sumamba Riso.

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.