GOSIA 11:10 - Tanou Moonsoi Timugon

¹⁰ Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

GOSIA 11:10 ပူးပေါင်းရင်းမြစ်များ

AYUP 37:1

Angin mapuor kaga' mokotontol raki'; pusu' kuno mimbuor ra maribok.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 2:11

Pangandoi kano ra Tuhan ra guang matikop ra kaintapatan;

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 2:5

Alii ra papag ri Jakub, ugar takau ralalom sinda ru Tuhan!

JISAYA 31:4

Tuhan mindagu raki', “Kabalu' pana nasuangan magagalung gumolok, kalo maanjung nilo singa' intor ra bibiag ondo' pinatoi nano. Ginio niayuk kolondo' mokopongompong Raki' Tuhan Ondo' Maayo Kaga' Kuasa', ka manindung ra Bulur Sion.

JISAYA 42:13

Mundus Tuhan mangayou koson sangulun tutumula' ondo' nakatampos toojo mongoi pangayou. Gumolok Io koson tatandu' mangayou; Mapakito Io ra kaikangan Nano ra pantula'.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

JISAYA 64:2

Gunung no monontol koson ra timug rumiri' ondo' pinarakan ra rasawat ru apui. Ibok noyo patalango' noyo kuasa' Muno ra pantula'-pantula' Muno, am sauko' noyo bansa'-bansa' monontol ra saang Muno.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JIRIMIA 2:2

mampatanou ra tanou ragitio ra ngaangai' ulun giu' ra Jirusalim, “Mamagun kau ru Israil, nakara' Ku ra mapara' boo gagaya' min paat ra akau lakat poyo mamulok, am mapara' boo gayo ru togom min Raki' paat ra akau nasauk ra ulun inuot ragili. Minaya' kau Raki' nansail ra tana' kaagisan, nansail ra tana' ondo' kolondo' poyo tinanaman.

JIRIMIA 25:30

Okou Jirimia, ngaangai' ondo' raguon Kuno rirun, musiti' mu potonowon. Musiti' mu raguin ilo, ‘Mansangal Tuhan intor ra suruga'; maningkalur Io intor ra inayanan Nano ondo' matulai. Gogolon io manggal ra ulun Nano; mompogolok Io koson ra ulun ondo' mamaga' ra kawa' ru anggur. Moonong ulun ra tana' ti mokorongog Riso,

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JIRIMIA 5:22

Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

JIRIMIA 50:4

Indagu Tuhan, “Masaboi paat no, mamagun ru Israil am Jiuda matong mababaya' liliwa' mantangi' am maguyum Raki', i Aki Kapuuno' nilo.

JIRIMIA 7:6

Pai' imboloo' bansa' ra bokon, anak kolondo' matuo am napuor. Pai' potoyo' ulun ondo' kolondo' sala ra pagun ti. Pai' samba ra tuhan-tuhan ra bokon, sabap binaal raginio mamuso ramuyun.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

YEHEZKIEL 26:16

Ngaangai' raja' ru bansa'-bansa' giu' ra kiing ru nagas tumuun intor ra kurisi' turungan nilo. Aluson nilo sukub am bayang mokoondo' ra sulam am manturung ra monontol giu' ra tana'. Malaa' ilo kaga' magilong ra pupus muno saboi kalo lumonggo' ilo monontol.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

JOIL 3:16

Bolos ru Tuhan mansangal intor ra Bulur Sion; maningkalur Io intor ra Jirusalim; limbowon am tana' ti malunggun, kaa' manindung Io ra ulun Nano.

AMOS 1:2

Gitio noyo ondo' rinagu ri Amos, “Tuhan nansangal intor ra Bulur Sion, bolos Nano nonggolon intor ra Jirusalim. Padang ru sakot nasauk ra mapua', sakot giu' ra Gunung Karmil nasauk ra mapua'.”

AMOS 3:4

Mansangal kia singa' giu' ra kataunan, amon ru kalo poyo nokoowot ra akanon? Mansangal kia anak ru singa' giu' ra ralalom ru luang nano, amon kalo poyo nakarakop ra atan-atan?

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

MIKA 4:5

Moonong bansa' sumamba am gumagaya' ra dewa nilo galama', kaa' itakau sumamba am gumagaya' ra Tuhan, i Aki Kapuuno' takau ra sabuoi-buoi no.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

JAKARIA 10:10

Intor ra Misir am Asyur, ibiton Ku ilo muli', am mampaayan risilo giu' ra pagun nilo galama'. Paayanon Ku ilo giu' ra Giliad am giu' ra Libanon; titikop ru pagun no nososok ra mamagun.

JAKARIA 10:12

Kaikangon Ku ulun Kuno; sumambayang ilo am gumagaya' Raki'.” Tuhan nakaindagu noyo.

JAKARIA 8:7

Mamayag Aku ra ulun Kuno intor ra pagun-pagun intok ilo pinatiran,

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

2 PITRUS 2:10

mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.

PINAINTALANG 10:3

Golok io ra bolos mosongou, koson ra kukula' ngainan singa' nansangal. Pokopompogolok io, taam tulu' timpalak no ra mapuor.