GOSIA 10:8 - Tanou Moonsoi Timugon

⁸ Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”

GOSIA 10:8 ပူးပေါင်းရင်းမြစ်များ

KASAUKAN 3:8

Paat ra mamai', nakaining ilo ra Tuhan i Aki Kapuuno' minugar ra ralalom ru taman am pansibuni ilo ra lolot ru puun-puun am kalo boo makito ilo ru Tuhan.

1 RAJA'-RAJA' 13:2

Sumugut ra susuban ru Tuhan, golok nabi no ra altar no, “Okou altar, altar, koon raginio noyo ragu ru Tuhan: Sangulun anak ondo' inggalan no ri Josia anakon ralalom ru sasambaloi ru Raja' Daut. Okou altar, giu' ra rasawat muno, manimbalui io ra imam-imam ondo' mangandoi ra intok sambaan ra sinungkalalaing, am ondo' mampataak ra taak simbalui ra rasawat muno. Monolob io ra bungul-bungul ru ulun ra rasawat muno.”

1 RAJA'-RAJA' 13:34

Tula ru raja' ti nagibit ra karatuan am kapusaan ru pamarintaan ru papag nano.

1 RAJA'-RAJA' 14:16

Mangiruan Tuhan ra Israil, sabap ra makatula noyo Raja' Jirobiam am nangkinibit ra ulun ru Israil makatula.”

2 RAJA'-RAJA' 23:15

Nampalunsai niayuk Raja' Josia ra intok sambaan giu' ra Bitil, ondo' binaal ru Raja' Jirobiam anak ri Nibat, ondo' nangkinibit ra Israil makatula. Nampalunsai Raja' Josia ra altar giu' ra intok sambaan no. Inumok no batu-batu ru altar no, am tinutu no nasauk ra kaau. Io niayuk nonolob ra sinungkalalaing Dewi Asyira.

2 TUNUNG RU BANSA' ISRAIL 31:1

Kopongo noyo pangiantakan no, ngaangai' ulun ru Israil minongoi ra moonong bandar giu' ra Jiuda. Pinuso nilo batu-batu pangkaraan sinungkalalaing am tatandu'-tatandu' ondo' patimpokon ra Dewi Asyira. Linunsai nilo altar-altar am intok-intok sambaan ra sinungkalalaing. Binaal nilo baal ra nogondo' giu' ra intok-intok ra bokon giu' ra Jiuda, am giu' ra wilayah Binjamin, Ipraim am niayuk Manasi. Kopongo raginio ilo ngaangai' minuli' ra intok ru sigagama'.

JISAYA 2:19

Ulun mansibuni ra ralalom ru luang batu giu' ra kabatuan bulur, kapoam mangkali ra luang giu' ra tana' koson tumuliar ra sangit ru Tuhan, am mansibuni intor ra kuasa' am katulayan Nano bulintok ra Io matong manguyog ra tana' ti.

JISAYA 2:21

Bulintok Tuhan matong manguyog ra tana' ti, ulun mansibuni ralalom ru luang batu giu' ra kabatuan bulur koson tumuliar intor ra sangit Nano, am mansibuni intor ra kuasa' am niayuk katulayan Nano.

JISAYA 32:13

Ragino bulungkut am kataunan makaruui timinuu' ra tana' ru bansa' kuno. Tangii' noyo baloi-baloi intok ru ulun mangiantak, am bandar nototop ra kaagawan.

JISAYA 34:13

Bulungkut am sakot makaruui tumuu' ra ngaangai' istana am bandar ondo' makatimbok. Taani am susuit unta minayan ra giu'.

GOSIA 10:2

Guang nilo natikop ra ruung am raino ilo musiti' maimbolo' kinibit ru tula nilo. Lunsayon ri Aki Kapuuno' altar-altar nilo am mampagaba' ra batu-batu sambaan nilo.

GOSIA 10:5

Mamagun ru bandar Samaria malaa' am nangulir sabap ra natatakan ra sapi' mas giu' ra Bitil. Ilo am imam-imam ondo' nangandoi ayuk ra sapi' mas mantangi'. Gumolok ilo paat ra katulayan ru sinungkalalaing no lumiot.

GOSIA 10:9

Indagu Tuhan, “Ulun ru Israil kalo poyo igondo' longgo' pambaal ra tula Raki' intor ra ilo makatula giu' ra Gibia. Ginio ra malumpa' ilo ru pangayawan giu' ra Gibia.

GOSIA 2:6

Ilowon no ambai nano, kaa' kalo sumunu' risilo. Maguyum io risilo, kaa' kalo makatuum risilo. Mindagu io boo, ‘Muli' aku ra ralaki kasaa' kuli; baal kuno ragili moonsoi poyo intor raino.’

GOSIA 4:13

Nampataak ilo ra taak simbalui giu' ra intok-intok sambaan ra sinungkalalaing giu' ra gunung. Sinolob nilo kaminyan giu' ra bulur, giu' ra saau ru puun-puun tataun makalu ondo' maawas raun sabap ra intok raginio masindungan. Kinibit nano anak-anak ruandu' min nasauk ra ruandu' mantalan ra inan, am anak-anak mangiwan ra ruandu' min nansasawa'.

GOSIA 4:15

“Kabalu' pana akau, ulun ru Israil kalo gumagaya' Raki', akau no poyo Jiuda pai' pambaal koson raginio. Pai' ongoi sambayang giu' ra Gilgal, kapoam giu' ra Bitil. Pai' baalo' bantu'-bantu' ra giu' no ralalom inggalan ru Tuhan ondo' naayag.

GOSIA 5:8

Samputi' bujung giu' ra Gibia! Kosongowo' bolos ru tatandu' mampiau mangayou giu' ra Rama! Golok no ra golok ru pangayawan giu' ra Bitil! Jalai no mangayou akau bansa' ru Binjamin!

GOSIA 8:5

Masisang Aku ra sapi' mas ondo' sambaan ru mamagun ru bandar Samaria. Siminangit Aku kaga' risilo. Saboi sanggilan kia ilo marayus sumamba ra sinungkalalaing?

GOSIA 9:6

Paat ra karaat makasaboi am mamagun nantutuliar, ulun ru Misir manimung ramuyun koson potoyon am koson lobongon giu' ra Mimpis! Rapu' mino intor ra pirok am tana' ru baloi min ragili malungkutan ru sakot am bulungkut makaruui.

AMOS 1:5

Lunsayon Ku kulobon garabang Damsyik, am mangimpai ra mamagun ru Limayak Awin intor ra intok ayanan nilo. Ulun manguasa' ru Bit-Idin patuunon Ku intor ra turungan ru raja', am mamagun ru Siria rokopon am niayuk patirin giu' ra pagun Kir.”

AMOS 3:14

Paat ra orou Aku mangukum ra ulun ru Israil sabap ra tula nilo, pusoon Ku altar-altar giu' ra Bitil. Moonong altar pandakon sangau-sangau nano saboi maratu' ra tana'.

AMOS 7:9

Intok-intok ondo' pakayon ru papag ri Isak koson sumambayang umokon. Intok-intok mapasau ru ulun ru Israil maangun ra natuyas. Pupusin Ku pamarintaan ru sasambaloi ru Raja' Jirobiam.”

AMOS 8:14

Ulun ondo' magibot ralalom inggalan ru sinungkalalaing ru Samaria, am mindagu, ‘Ralalom inggalan ru dewa giu' ra Dan’ kapoam ‘Ralalom inggalan ru dewa giu' ra Birsyiba’, maratu' am kalo boo makatirong.”

MIKA 1:13

Mamagun ru Lakgis, paatango' noyo kuda ra kurita' ru kuda. Tumilu ra tula ru ulun giu' ra Israil, mangkinibit kau ra ulun ru Jirusalim makatula.

MIKA 1:5

Ngaangai' baal no masauk sabap ra ulun ru Israil makatula noyo am giminuor ri Aki Kapuuno'. Osoi nua' pinalansan ra guor ru Israil? Samaria, pusor ru bandar nano galama'! Osoi nua' pinalansan ondo' sumamba ra sinungkalalaing giu' ra Jiuda? Jirusalim!

NAGUM 3:11

Okou Niniwi, okou pana magauk. Piroton mu niayuk koson mamayag ra inan intor ra pantula'.

LUKAS 23:30

Paat raginio ulun mindagu ra gunung no, ‘Pumpuni' akai!’ am ra bulur poyo, ‘Bunio' akai!’

SAGULION 9:21

Inalap ku kuliamos jajajou ondo' binaal min noyo, iono sapi' intor ra logam, am pinatiran ginio ralalom ru apui. Kopongo raginio pinilang-pilang am inumok ku nasauk ra kaau, am pinatiran ralalom ru sungoi ondo' timinilis intor ra gunung no.

PINAINTALANG 6:16

Konilo ra gunung am batu, “Intupi' akai no. Sibunio' akai no intor ra pagilangan ru Io ondo' nanturung ra takhta no, am intor ra ukuman ru Anak Domba no!

PINAINTALANG 9:6

Buoi ru limo ngambulan no maguyum ulun-ulun ra patayan, kaa' kalo matoi ilo; moogot ilo matoi kaa' kapatayan maalur intor risilo.