GOSIA 10:14 - Tanou Moonsoi Timugon

¹⁴ am akau pana malumpa' ru pangayawan am ngaangai' kubu min pusoon. Baal nano masauk koson ra orou ru Raja' Salman namuso ra bandar Bit-Arbil ralalom pangayawan, am nampaluus ra ina'-ina' nababaya' ra anak-anak nilo.

GOSIA 10:14 ပူးပေါင်းရင်းမြစ်များ

KASAUKAN 32:11

Makiasi' aku toojo Rirun ra bayagon Mu aku intor maayo kuno i Isau. Malaa' aku ra maaru' matong io pampaluus ramon ngaangai', niayuk ruandu' am lalaing.

2 RAJA'-RAJA' 17:16

Inanggal nilo ngaangai' ukum ru Tuhan, i Aki Kapuuno' nilo, am niayuk nambaal ra ruo sinungkalalaing ru sapi' intor ra basi' koson ra sambaan. Nambaal ilo niayuk ra sinungkalalaing Dewi Asyira, sumamba ra butitin-butitin am Baal.

2 RAJA'-RAJA' 17:3

Paat raginio Raja' Salmanisir intor ra Asyur nangayou ra Raja' Gosia. Raja' Gosia nakiala ra Raja' Salmanisir am nambayar riso ra cukai ra moonong bilor.

2 RAJA'-RAJA' 18:33

Dewa-dewa ru pagun ra ati kia nakaili' namayag ra pagun nano intor ra raja' ru Asyur?

JISAYA 17:3

Israil matatakan ra panindungan, am Damsyik matatakan ra pampalabusan. Ulun ru Siria ondo' soroi maayag ilo ralalom pagasaban koson ra ulun ru Israil. Aku, Tuhan Ondo' Maayo' Kaga' Kuasa' minindagu noyo.”

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 48:41

Bandar-bandar am kubu-kubu gaawon. Paat orou raginio saujor-saujor ru Moab mangalaa' koson ra ruandu' tatanga' maganak.

GOSIA 10:15

Baal raginio masauk ramuyun, mamagun kau ru Bitil, sabap ra nambaal kau ra kalaatan ondo' maayo. Makatalimpuun ayuk pangayawan, matoi raja' ru Israil.”

AMOS 3:14

Paat ra orou Aku mangukum ra ulun ru Israil sabap ra tula nilo, pusoon Ku altar-altar giu' ra Bitil. Moonong altar pandakon sangau-sangau nano saboi maratu' ra tana'.

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

AMOS 9:5

Paat ra Tuhan Raja' Ondo' Maayo Kaga' Kuasa' makakambong ra tana' ti, mogonggon boo tana', am ngaangai' ru mamagun nano manulaboi. Titikop ru tana' magaloi tumuun koson ra Sungoi Nil.

MIKA 5:11

Pusoon Ku jimat mino am inggion Ku ngaangai' ulun mapandai mangilong min.

NAGUM 3:10

Kabalu' pana raginio, mamagun ru Tibi rinakop am pinatiran ra pagun. Giu' ra moonong pisuk ru ralan, anak-anak nilo linamba' saboi minatoi. Tingganai-tingganai nilo rinantai am tinayar-tayar ra gino ngai' ru ulun ondo' namparakop risilo.

NAGUM 3:12

Ngaangai' ru kubu muno masauk koson ra puun ru ara ondo' kawa' nano naansak noyo. Paat ra uyogon puun tataun no, kawa' nano marayus maratu' ra kabang ru ulun ondo' masaga' mangakan no.

ABAKUK 1:10

Ulun ru Babilonia magasab ra raja'-raja' am makakurit ra tingganai-tingganai ru pamarintaan. Kolondo' kubu mokopongompong risilo. Pinumpunan nilo ra tana' timbok ru kubu, am nampagaau raginio.