GOSIA 10:13 - Tanou Moonsoi Timugon

¹³ Kaa' akau boo nantanom ra kalaatan am nangkumos ra kolondo' katimpakan. Mangakan kau kalalaat ra ampos ru abau min. “Ginio sabap ra akau malansan ra kurita' kuda min, am saujor min ondo' masuang kaga',

GOSIA 10:13 ပူးပေါင်းရင်းမြစ်များ

AYUP 4:8

Igondo' aku pakakito ra ulun mamparadu' ra umo ru kalaatan, am napatias ra sampug ru kalaatan, am nangkumos boo ra karaat am kapaganan.

MAZMUR 33:16

Namanang raja' sala' ka intor ra saujor nano masuang, namanang saujor sala' ka intor ru ikang.

MAZMUR 52:7

Ginio ra, i Aki Kapuuno' mamuso rirun ra sabuoi-buoi no; rokopon am ralaaton No okou intor ra baloi; pusoon No okou intor ra pagun ru ulun maayag.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

AMSAL 1:31

Intor raginio, malimanan min kinibit ru binaal am ginuang min ra mangalaat.

AMSAL 12:19

Abau kalo mantilayun, kaa' katapatan mantilayun ra sabuoi-buoi no.

AMSAL 13:2

Ragu-ragu ru ulun moonsoi magibit ra balos moonsoi, kaa' ulun ra kalo mabanis guang masaga' ra kalaatan.

AMSAL 19:5

Ulun ondo' magabau giu' ra makama' am ulun ondo' magambut musiti' ukumin.

AMSAL 22:8

Ulun mapatias ra kalo matimpok mangkumos ra karaat, am kuasa' nano koson mangimbolo' ra ulun bokon pupusin.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

JISAYA 17:11

Kabalu' pana tatanom raginio manalantar am mambusak bulintok ra orou nantanaman muno, kaa' kolondo' niayuk ampos no; ondo' soroi ayuk kapaganan am lugu ra kalo mapali'.

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

GOSIA 4:8

Masauk kau ra langkaya' sabap ra tula ru ulun Kuno, am ginio ra akau masaga' risilo rumayus makatula.

GOSIA 7:3

Indagu Tuhan, “Ra ruung am binaal malaat, kuminam mamagun mampabansuk ra guang ru raja' am pagawai-pagawai nano.

GOSIA 8:7

Paat ra ulun Kuno mampatias ra angin, mangkumos ilo ra bagiu'. Umo ru gandum ondo' kalo sumilou kolondo' ampos ru akanon. Kaa' amon ru umo no sumilou niayuk, ulun bansa' ra bokon mangai' ra gandum nano.

1 SAMUIL 24:14

Nakapandai kou ra pagabigan lair ti, ‘Kalaatan no baalon ayuk ru ulun malaat.’ Ginio sabap ra kalo rualin tokou.