GOSIA 10:1 - Tanou Moonsoi Timugon

¹ Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

GOSIA 10:1 ပူးပေါင်းရင်းမြစ်များ

1 RAJA'-RAJA' 14:23

Nambaal ilo ra intok-intok sambaan ra dewa am nampatirong ra lugu'-lugu' ru sinungkalalaing sambaan am tatandu'-tatandu' ru Dewi Asyira koson sambaan giu' ra bulur-bulur am ra saau ru puun-puun tataun makalu.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 2:28

Ati kia sinungkalalaing dewa ondo' binaal min ni? Paat ra akau makakapaganan, pakibayag kau ra dewa-dewa no, amon ru totopot dewa no masaga'! Okou Jiuda, dewa muno masuang koson ra suang ru bandar mino!

GOSIA 12:11

“Minindagu Aku noyo ra nabi-nabi, am niayuk nangani' risilo ra masuang pinaintalang, am pinabala' galing risilo nangani' Aku ra pampakaraan ra ulun Kuno.

GOSIA 12:8

Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.

GOSIA 13:15

Kabalu' pana Israil langkaya' koson ra sakot ondo' malabung, atarin Ku angin sirangon ondo' malasu' intor ra tana' kaagisan am mampapua' ra tulubong am taur ru timug nano. Ngaangai' ondo' mokologo alapon intor riso.

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

GOSIA 2:10

Langgain Ku ngaangai' pangiantakan nano – ondo' kia pangiantakan kabilaran am poyo pangiantakan kasilaan am orou Sabat – ngaangai' pangiantakan ru ugama nano.

GOSIA 2:8

Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

GOSIA 4:7

Akau lumanja' masuang, lumanja' masuang tula min Raki', imam-imam kau. Kulawon Ku boo baal mino. Kalo boo urumaton kau, kaa' asabin.

GOSIA 8:11

“Sumuang-suang altar ondo' baalon ru ulun ru Israil koson mamuso ra tula, sumuang poyo boo intok nilo mambaal ra tula.

GOSIA 8:4

“Ulun Kuno nampili' ra raja'-raja' ra kalo nangkuot ra pampaguangan Kuno. Nampili' ilo ra tingganai-tingganai ra kalo nakitaak ra pangiawan Kuno. Nangalap ilo ra mas am pirok am nambaal ra sinungkalalaing ondo' nangkinibit ra kapusaan nilo.

IMAMAT 26:1

Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

NAGUM 2:2

Katakion ru Tuhan mapatapuli' ra kaantakan ru Israil, saboi koson ragili, ra ilo kalo poyo tinakawan ru pantula'.)

2 KORINTUS 5:16

Sabap raginio, akai kalo boo mangimumui ra osoi ayuk pana sumugut ra pagilangan ru ulun. Kabalu' pana nangimumui akai niayuk ri Kristus koson raginio ragili, kaa' raino kalo boo.

PILIPI 2:21

Kaa' bokon no sala' ka maguyum ra kaatangan ri Jisus Kristus, kaa' maguyum ayuk ra kasingkatan nilo galama'.