GOSIA 1:4 - Tanou Moonsoi Timugon

⁴ Indagu Tuhan riso, “Inggalani' anak no ri ‘Jijriil’, sabap ra kalo boo mabuoi mangukum Aku ra raja' ru Israil koson mambalos ra pamatayan ondo' binaal ru kinamatuaan nano, i Jigu, giu' ra Jijriil Pupusin Ku pamarintaan ru papag ri Jigu giu' ra Israil.

GOSIA 1:4 ပူးပေါင်းရင်းမြစ်များ

2 RAJA'-RAJA' 10:1

Tulu' ngoopor ngaulun papag ru Raja' Agab minayan giu' ra bandar Samaria. Raja' Jigu pana nanulis ra rondo' surat am nangator ra surat no ra panguasa'-panguasa' ru bandar no, tingganai-tingganai ru mamagun, am uakil-uakil ru papag ru Raja' Agab. Koon raginio suang ru surat no:

2 RAJA'-RAJA' 10:17

Pakasaboi ilo ra giu' no, namatoi Raja' Jigu ra ngaangai' pabukat ru Raja' Agab; sangulun pana kalo pinoloso naayag. Baal ragitio nasauk nontopot ra ragu ru Tuhan ri Ilia.

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 15:8

Paat ra bilor katalu ngoopor am balu' ru Raja' Ujia giu' ra Jiuda, Raja' Jakaria anak ungkuyon ru Raja' Jirobiam II nasauk ra raja' giu' ra Israil. Raja' Jakaria namarinta giu' ra Samaria buoi onom ngansila'.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JISAYA 8:3

Kalo nabuoi ragili am andu' kuno maapang. Bulintok ra anak maino anakon, minindagu Tuhan raki', “Inggalani' io ri ‘Tokowo' ribaki', gaawo' mataki'’.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 20:3

Suabon no, kalupus i Pasyur namugal ra rantai kuti, indagu aku riso, “Inggalan ondo' tinaakan ru Tuhan rirun sala' ka i Pasyur, kaa' ‘Kalaanan Ra Ati Ayuk’.

JIRIMIA 23:2

Gitio noyo ondo' pinaragu ru Tuhan, i Aki Kapuuno' ru Israil, intor ra ilo panguasa' ondo' sotopot no magalung ra ulun Nano, “Kalo inalungan min ulun Kuno; pinantutuliar min boo am pinagiru' min ilo. Raino ukumin Takamin sabap ra kalaatan min.

JIRIMIA 3:8

Nakakito niayuk ri Jiuda ra inali am pinaugar Ku Israil, sabap ra nangiruan io Raki' am nasauk ra mantalan ra inan. Kaa' i Jiuda ondo' kalo gumagaya', pabukat ri Israil no, kalo malaa'. I Jiuda pana minaya' nasauk ra mantalan ra inan

YEHEZKIEL 23:10

Linabasan nilo io, nampagaau ra anak ungkuyon am anak ruandu' nano, am namatoi riso ra ilang. Inggalan nano susunuron ru ruandu'-ruandu' giu' ra ati ayuk intok.

YEHEZKIEL 23:31

Minaya' kou ra binaal ru maayo muno; ginio ra musiti' kou manginum intor ra sangkir ondo' sinuangan ra ukuman.”

GOSIA 1:6

I Gomir pana maapang poyo am naganak sangulun anak ruandu'. Indagu Tuhan ri Gosia, “Inggalani' anak raginio ‘Kalo Tagamin’, sabap ra kalo boo makaasi' Aku kapoam mangampun ra bansa' ru Israil.

GOSIA 1:9

Indagu boo Tuhan ri Gosia, “Inggalani' io ri ‘Sala' ka Ulun Kuno’, sabap ra ulun ru Israil sala' ka ulun Kuno, am Aku sala' ka i Aki Kapuuno' nilo.”

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

GOSIA 2:22

Saukon Ku ulun Kuno langkaya' am lumayun giu' ra pagun no. Makaasi' Aku risilo ondo' sabiton ‘Kalo Tagamin’; am risilo ondo' sabiton ‘Sala' ka Ulun Kuno’ am raguon Kuno ‘Akau ulun Kuno’; am tumaam ilo, ‘Okou noyo i Aki Kapuuno' mai.’ ”

GOSIA 9:17

I Aki Kapuuno' ondo' sambaan Kuno mangimpai ra ulun Nano, sabap kalo riminongog ilo Riso. Masauk ilo ra ulun tumanggau ra gino ngai' ru bansa'- bansa'.

AMOS 9:8

Aku, Tuhan Raja', tatanga' mangimansa' ra pamarintaan ru Israil ondo' makatula ti, am pusoon Ku ginio intor ra tana' ti. Kaa' kalo pusoon Ku ngaangai' papag ri Jakub.

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:31

Maapang kou am maganak kou ra sangulun anak ungkuyon. Inggalani' anak no i Jisus.

LUKAS 1:63

Pakitaak i Jakaria ra rondo' papan pamatikan am panulis io, “I Juanis inggalan nano.” Nangimuag ilo ngaangai'.

JUANIS 1:42

Ibito' no boo i Simon ri Jisus. Tantangi' ri Jisus i Simon, am indagu, “Inggalan muno i Simon anak ri Juanis, kaa' piawon kou poyo ri Kaipas.” (Kaipas nogondo' ra Pitrus, arati' nano ‘bulur batu’.)

JOSUA 19:18

Wilayah nilo nakasimpung bandar Jijriil, Kisulot, Sunim,