GALATIA 5:2 - Tanou Moonsoi Timugon

² Rongogo' min, aku i Paulus ondo' mindagu ti: Amon ru makisunat kau, kolondo' boo toojo onong i Kristus no ramuyun.

GALATIA 5:2 ပူးပေါင်းရင်းမြစ်များ

RINALATAN 15:1

Mokoondo' kukula' ngaulun Kristian intor ra Judia minatong ra Antiokia am nangila' ilo ra ulun Kristian ra, “Kalo bayagon kau ri Aki Kapuuno' amon ru kalo sunatin kau maya' ra Ukum ri Musa.”

RINALATAN 15:24

Naala' akai noyo ra mokoondo' kukula' ngaulun intor ramon nantipagon am niayuk nampajajou ramuyun ra nangilaan nilai. Kaa' pai' ru akai nanusub risilo.

RINALATAN 15:5

Kaa' kukula' ngaulun ru Parisi ondo' nangintopot ri Jisus minindagu ra saang ru ngaangai', konilo, “Ulun Kristian ondo' sala' ka Jaudi musiti' sunatin am poyo sumugut toojo ra ngaangai' ru Ukum ri Musa.”

1 KORINTUS 16:21

Am gitio noyo tinulisan kutu ondo' tinatanduan kutu galama'; Kaansayan intor raki', i Paulus.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

GALATIA 5:11

Pabukat kau ngaangai', amon ru totopot ku potonowo' baal ru sunat ti, kua ra aku ti lakat poyo nai imboloon? Amon ru motopot gitio, tanou ra pinasaboi kutu intor ra salip ri Kristus kalo ga pana imuagon.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

1 TISALONIKA 2:18

Makaguang akai noyo mongoi tuum ramuyun, ra kaingkula' ku noyo nangkinam, kaa' inampangan akai ru Tingganai ru riwato no.

PILIMON 1:19

Ilai', gitio noyo tinatanduan kutu: Aku i Paulus, ondo' mambayar ayuk saguli' ra ngaangai' no. (Kapoam pakaraan tokou po kia ra sotopot no okou galama' makautang raki', ioginio kaayagan bagu muno koson sangulun Kristian).

PILIMON 1:9

Kaa' sabap ra togom ti, makitaak aku ayuk rirun. Aku ti duta ri Kristus Jisus am raino inaput poyo sabap Io.

IBRANI 4:2

Sabap ra Tanou Moonsoi no pinabala' noyo ritakau mogondo' ra ulun ra galing i. Kaa' koson risilo, tanou no kolondo' onong, sabap ra paat ra ilo nakaining kalo inapu nilo mabaya' ra pangintapatan.